NASA ەكٸمشٸسٸ دجارەد ايزەكمان بايقوڭىر عارىش ايلاعىنا كەلدٸ. ونىڭ ساپارىنىڭ نەگٸزگٸ ماقساتى – 14 شٸلدەدە حالىقارالىق عارىش ستانتسيياسىنا (حعس) ۇشىرىلاتىن «سويۋز مس-29» باسقارىلاتىن عارىش كەمەسٸنٸڭ ۇشىرىلىمىنا قاتىسۋ, دەپ حابارلايدى dalanews.kz.
ايزەكمان بايقوڭىردا «روسكوسموس» مەملەكەتتٸك كورپوراتسيياسىنىڭ باسشىسى دميتريي باكانوۆپەن كەزدەسٸپ, عارىشكەرلەر ەكيپاجىن شىعارىپ سالدى. تاراپتار سونداي-اق ەكٸجاقتى ىنتىماقتاستىقتىڭ ٶزەكتٸ مەسەلەلەرٸن تالقىلادى.
«سويۋز مس-29» ميسسيياسىنىڭ نەگٸزگٸ ەكيپاجىنىڭ قۇرامىنا «روسكوسموس» عارىشكەرلەرٸ پەتر دۋبروۆ پەن اننا كيكينا, سونداي-اق NASA استروناۆتى انيل مەنون ەندٸ. ولار وربيتادا 261 تەۋلٸك جۇمىس ٸستەيدٸ دەپ جوسپارلانعان.
دجارەد ايزەكمان NASA باسشىسى قىزمەتٸنە 2025 جىلى كٸرٸسكەن. ول بيىل مامىر ايىندا رەسەي تاراپىمەن حالىقارالىق عارىش ستانتسيياسىنىڭ پايدالانۋ مەرزٸمٸ اياقتالعانعا دەيٸنگٸ ىنتىماقتاستىقتىڭ كەلەشەگٸن تالقىلاۋعا نيەتتٸ ەكەنٸن مەلٸمدەگەن بولاتىن.
بايقوڭىرداعى كەزدەسۋ سوڭعى سەگٸز جىلداعى NASA مەن «روسكوسموس» باسشىلارى اراسىنداعى العاشقى تٸكەلەي بايلانىس بولدى. ساراپشىلاردىڭ پٸكٸرٸنشە, بۇل باسقارىلاتىن عارىش باعدارلامالارى بويىنشا ديالوگتىڭ قايتا جاندانعانىن كٶرسەتەدٸ. ال قازاقستان ەلەمدٸك عارىش سالاسىنداعى ستراتەگييالىق ماڭىزى بار نەگٸزگٸ ۇشىرۋ الاڭى رەتٸندەگٸ رٶلٸن ساقتاپ وتىر.
