Narynqol aýdany qurylady
– Jańa aýdan qurylatynyn qýanyp aitamyz. Is júzinde qabyldandy. Úkimettiń qaýlysy men Elbasynyń sheshimi shyqqannan keiin xalyqqa jetkizemiz. Narynqol ákimshilik aýdanyna barǵanda jastardyń bári aýyldan ketip jatqanyn, Almatynyń jan-jaǵynda jumyssyz, ne bazarda júrgenin kórdik. Qazir ol jerde burynǵy Narynqol aýdanyn qurý týraly usynys jasadyq. Shekarasyn bólip, bárin kórsetemiz. Protsedýralyq jumystar qaldy. Sodan keiin sheshim qabyldaimyz. Oblys kútip otyr. Komissiia quryp, Narynqolǵa baryp, mekemelerdiń ǵimarattaryn kórip, jyldyń aiaǵy kelesi jyldyń biýdjetine sonyń bárin kirgizip, shtatyna deiin, balabaqshalaryna deiin sonyń bárin josparlaýymyz kerek, – dep málimdedi Amandyq Batalov.
Eske sala ketsek, 10 tamyzda Almaty oblysynyń máslixatynyń otyrysynda QR Úkimetine Almaty oblysynyń quramynda ákimshilik ortalyǵy Narynqol aýyly bolatyn jáne Almaty oblysy Raiymbek aýdanynan jer bólý arqyly jalpy aýdany 711 937 gektar bolatyn jańa aýdan qurý týraly usynys berilgen bolatyn. Respýblikalyq onomastikalyq komissiianyń qaraýyna jańadan qurylǵan aýdanǵa «Narynqol» ataýyn berý týraly usynys jiberildi.
Aita ketsek, búginde Almaty oblysynda 16 aýdan ortalyǵy bolsa, jańa aýdanmen 17-ge jetetin bolady.
Almaty oblysy ákimi A.Batalovtyń Ortalyq kommýnikatsiialar qyzmetindegi brefingi
https://dalanews.kz/31742
