– جاڭا اۋدان قۇرىلاتىنىن قۋانىپ ايتامىز. ءىس جۇزىندە قابىلداندى. ۇكىمەتتىڭ قاۋلىسى مەن ەلباسىنىڭ شەشىمى شىققاننان كەيىن xالىققا جەتكىزەمىز. نارىنقول اكىمشىلىك اۋدانىنا بارعاندا جاستاردىڭ ءبارى اۋىلدان كەتىپ جاتقانىن، الماتىنىڭ جان-جاعىندا جۇمىسسىز، نە بازاردا جۇرگەنىن كوردىك. ءقازىر ول جەردە بۇرىنعى نارىنقول اۋدانىن قۇرۋ تۋرالى ۇسىنىس جاسادىق. شەكاراسىن ءبولىپ، ءبارىن كورسەتەمىز. پروسەدۋرالىق جۇمىستار قالدى. سودان كەيىن شەشىم قابىلدايمىز. وبلىس كۇتىپ وتىر. كوميسسيا قۇرىپ، نارىنقولعا بارىپ، مەكەمەلەردىڭ عيماراتتارىن كورىپ، جىلدىڭ اياعى كەلەسى جىلدىڭ بيۋدجەتىنە سونىڭ ءبارىن كىرگىزىپ، شتاتىنا دەيىن، بالاباقشالارىنا دەيىن سونىڭ ءبارىن جوسپارلاۋىمىز كەرەك، – دەپ مالىمدەدى اماندىق باتالوۆ.
ەسكە سالا كەتسەك، 10 تامىزدا الماتى وبلىسىنىڭ ءماسليxاتىنىڭ وتىرىسىندا ق ر ۇكىمەتىنە الماتى وبلىسىنىڭ قۇرامىندا اكىمشىلىك ورتالىعى نارىنقول اۋىلى بولاتىن جانە الماتى وبلىسى رايىمبەك اۋدانىنان جەر ءبولۋ ارقىلى جالپى اۋدانى 711 937 گەكتار بولاتىن جاڭا اۋدان قۇرۋ تۋرالى ۇسىنىس بەرىلگەن بولاتىن. رەسپۋبليكالىق ونوماستيكالىق كوميسسيانىڭ قاراۋىنا جاڭادان قۇرىلعان اۋدانعا «نارىنقول» اتاۋىن بەرۋ تۋرالى ۇسىنىس جىبەرىلدى.
ايتا كەتسەك، بۇگىندە الماتى وبلىسىندا 16 اۋدان ورتالىعى بولسا، جاڭا اۋدانمەن 17-گە جەتەتىن بولادى.
الماتى وبلىسى اكىمى ا.باتالوۆتىڭ ورتالىق كوممۋنيكاسيالار قىزمەتىندەگى برەفينگى
https://dalanews.kz/31742
