Spıkerdiń aıtýynsha, Qazaqstanda qoldanylatyn sot isin júrgizýdiń tórt túri boıynsha óndirister qylmystyq prosestik kodekspen, Azamattyq prosestik kodekspen, Ákimshilik rásimdik kodekspen jáne Ákimshilik quqyq buzýshylyq týraly kodekstermen retteledi.
– Sotqa is túsken kezde olardy kompúter kezdeısoq tańdaý ádisimen sýdıalar arasynda avtomatty túrde bóledi. Sot tóraǵalarynyń da, sýdıalardyń da naqty isti «kerekti» sýdıaǵa berýge múmkindigi joq. Osy qatań tártip isti odan ári qaraý barysynda, apelásıalyq, kasasıalyq tártipte bolsyn qatań saqtalady. Shaǵymdar men ótinishterdi, narazylyqtardy qaraý tártibi prosestik kodeksterde naqty belgilengen. İsterdi, shaǵymdardy, ótinishhattardy, narazylyqtardy qaraý tártibi prosestik kodeksterde naqty belgilengen, – dep túsindirdi spıker.
Birinshiden, isti birinshi ınstansıa qaraıdy - bul aýdandyq sottar. Shaǵymdanǵan jaǵdaıda is apelásıalyq satyda qaralady – bul oblystyq sottar. Sodan keıin shaǵym kasasıalyq satyǵa - Joǵarǵy Sotqa jiberiledi.
– Eger adam kasasıalyq satynyń sheshimimen kelispese, onda onyń taǵy eki joly bar: narazylyq engizý úshin Bas prokýrorǵa júginý; nemese kasasıalyq satyda qaıta qaraýǵa usynys engizý týraly Joǵarǵy Sottyń Tóraǵasyna júginý. Sot aktilerin qaıta qaraýdyń basqa nusqalary joq, – dep atap ótti Sháripov.
