سپيكەردىڭ ايتۋىنشا، قازاقستاندا قولدانىلاتىن سوت ءىسىن جۇرگىزۋدىڭ ءتورت ءتۇرى بويىنشا وندىرىستەر قىلمىستىق پروسەستىك كودەكسپەن، ازاماتتىق پروسەستىك كودەكسپەن، اكىمشىلىك راسىمدىك كودەكسپەن جانە اكىمشىلىك قۇقىق بۇزۋشىلىق تۋرالى كودەكستەرمەن رەتتەلەدى.
– سوتقا ءىس تۇسكەن كەزدە ولاردى كومپيۋتەر كەزدەيسوق تاڭداۋ ادىسىمەن سۋديالار اراسىندا اۆتوماتتى تۇردە بولەدى. سوت ءتوراعالارىنىڭ دا، سۋديالاردىڭ دا ناقتى ءىستى «كەرەكتى» سۋدياعا بەرۋگە مۇمكىندىگى جوق. وسى قاتاڭ ءتارتىپ ءىستى ودان ءارى قاراۋ بارىسىندا، اپەللياسيالىق، كاسساسيالىق تارتىپتە بولسىن قاتاڭ ساقتالادى. شاعىمدار مەن وتىنىشتەردى، نارازىلىقتاردى قاراۋ ءتارتىبى پروسەستىك كودەكستەردە ناقتى بەلگىلەنگەن. ىستەردى، شاعىمداردى، ءوتىنىشحاتتاردى، نارازىلىقتاردى قاراۋ ءتارتىبى پروسەستىك كودەكستەردە ناقتى بەلگىلەنگەن، – دەپ ءتۇسىندىردى سپيكەر.
بىرىنشىدەن، ءىستى ءبىرىنشى ينستانسيا قارايدى - بۇل اۋداندىق سوتتار. شاعىمدانعان جاعدايدا ءىس اپەللياسيالىق ساتىدا قارالادى – بۇل وبلىستىق سوتتار. سودان كەيىن شاعىم كاسساسيالىق ساتىعا - جوعارعى سوتقا جىبەرىلەدى.
– ەگەر ادام كاسساسيالىق ساتىنىڭ شەشىمىمەن كەلىسپەسە، وندا ونىڭ تاعى ەكى جولى بار: نارازىلىق ەنگىزۋ ءۇشىن باس پروكۋرورعا جۇگىنۋ؛ نەمەسە كاسساسيالىق ساتىدا قايتا قاراۋعا ۇسىنىس ەنگىزۋ تۋرالى جوعارعى سوتتىڭ ءتوراعاسىنا جۇگىنۋ. سوت اكتىلەرىن قايتا قاراۋدىڭ باسقا نۇسقالارى جوق، – دەپ اتاپ ءوتتى ءشارىپوۆ.
