Óz kezeginde Kaspi.kz-tiń basshysy Mihail Lomtadze óz qýanyshyn bylaisha jetkizdi:
– Búkil komandamyzdyń jumysynyń nátijesin baǵalaǵany úshin qazylar alqasyna raqmet. Bizdi eń aldymen Kaspi.kz-tiń qazaqstandyqtardyń ómirin jaqsartatyn innovatsiialyq ónimder jasaý missiiasy shabyttandyrady. Biz «Qazaqstan men qazaqstandyqtar úshin ne jaqsy bolsa, Kaspi.kz úshin de sol jaqsy» printsipin basshylyqqa alamyz.
Kaspi.kz tolyǵymen Qazaqstanda qurylǵan kompaniia ekenin shyn júrekten maqtan tutamyz. Aldaǵy ýaqytta da qazaqstandyqtardy eń zamanaýi, qarapaiym ári yńǵaily onlain-servistermen qýantyp, tańǵaldyrýǵa tyrysamyz. Bizben birge bolǵany úshin súiikti klientterimizge raqmet aitamyz! – dep atap ótti.
Jyl saiyn eń úzdik basshylardy Kazakhstan Growth Forum-ynyń sarapshylar keńesi anyqtaidy. Onyń quramynda Oraz Jandosov (Qazaqstan ekonomisteri qaýymdastyǵynyń qamqorshylyq keńesiniń tóraǵasy), Andrei Beklemishev (IDC Ortalyq Aziia aimaqtyq direktory), Elena Bahmýtova (Qazaqstan qarjygerler qaýymdastyǵy keńesiniń tóraiymy), Ekaterina Bendjamin (IFC ókildiginiń basshysy), Erjan Dosymbekov (Grant Thornton aýditorlyq kompaniiasynyń basshysy), Erlan Dosymbekov (EY Qazaqstan basshysy) jáne Sáken Jumashev (KPMG Qazaqstan basshysy) boldy. Jeńimpazdar ekonomikanyń ártúrli salasynan usynylǵan 500 qazaqstandyq úzdik kompaniialardyń ishinen tańdalady.
Sondai-aq, Kaspi.kz-tiń basshysy ári negizin qalaýshylardyń biri Mihail Lomtadze Price waterhouse Coopers (PwC) jetekshi halyqaralyq konsaltingtik kompaniiasy jyl saiyn ótkizetin SEO Survey saýalnamasynyń nátijesi boiynsha qatarynan besinshi ret Qazaqstandaǵy eń úzdik kompaniia basshysy bolyp tanyldy.
