Jýrnalist facebook áleýmettik jelisinde nege óz oiynan ainyǵanyn aitty. Aitýynsha, saiasatta tájirbiesi bar bir úlken saiasatker toqtatqan eken. Alaida onyń esimin Tolyqbai aitqan joq.
«Maqsat, daýys daýlap mitingige shyǵasyń ba dep surap jatqandar bar. Ondai oi bolmady emes boldy. Saiasatta júrgen bir úlken aǵamyz telefon shalyp eki saǵat sóilestik. Maǵan sózi áser etti. Sizderde qosylasyzdar dep oilaimyn. “Maqsat,- dedi – seniń saiasattyń shetin kórip jatqanyńa bar-joǵy bir ai boldy ǵoi. Bul basy ǵana. Áli talai nárseni kóresiń. Sender ózderińe senimdi bolsańdar, birdeńeni dáleldegileriń kelse, naǵyz partiianyń jumysyn kórsetińder. Aldaǵy jyldary ana úsh partiiadan jaqsy jumys isteńder. Erteń rezonanstyq jaǵdai bolatyn bolsa, baspasóz máslihatyn ótkizip, málimdeme jasańdar. Qandai da bir oqiǵalar bolǵanda halyqtyń ortasynan tabylyńdar. Óziń aityp júretin tegin grantty jumys bastaǵysy keletin azamattarǵa taratyńdar. JOO rektorlarymen memarandýmǵa otyr. Aýylda túnshyǵyp jatqan qanshama talantty jastar bar oqýǵa túse almai jatqan. Tym bolmasa solardy oqýǵa túsirińder tegin grant berip. Mine, eń úlken saýapty is solai bolady. Qolynan esh nárse kelmeitin sharasyz kúige túskende ǵana adam mitingige shyǵady” – dep aitty maǵan. Osynyń ózi qatty áser etti. Óitkeni, aǵaiyn ashy bolsa da aitaiyn bizdiń qoǵamnyń ózi daiyn emes. Men atoilap alańǵa shyqqanmen artymnan bir eki myń adam shyǵar. Odan ne ózgerer. Sóitip tarqaimyz», – dedi májilis depýtatyna kandidat bolǵan jýrnalist Tolyqbai.
Jýrnalist májilis sailaýy kezinde birshama tájirbie jinap jáne az jumys atqarmaǵandaryn da aitty.
«Bir aidyń ishinde qolymyzdan ne keletnin kórsete aldyq. Budan keiin bizben de sanasady. Jiyrma jeti kúnniń ishinde eshbir partiianyń tarihynda bolmaǵan 360 myń adamdy múshelikke ótkizdik. Bes jyldan keiin de sailaý bolady. Oǵan deiin sanymyzdy million eki millionǵa jetkizeiik. Talai joba, jospardy birigip atqaraiyq. Biz partiianyń atynan sizder jasaǵan usynystan málimdeme jasaiyq. Árbirden soń Adaldy qoldaisyz ba, qoldamaisyz ba másele oda emes, aǵaiyn. Biz kúshke ainalý úshin árbir belsendi ramkadan shyqqysy keletin, ózgergisti qalaityn árbir azamatty qoldap úireneiikshi. Sen jaman, men jaman otyra bergenenen eshkim eshteńesi ketpeidi, kerisinshe jaqsy. Qaýipti ǵoi, erteń bizdiń basymyz birigip ketse. Sondyqtan osyny oilańyz», – dep sózin qorytty Maqsat Tolyqbai.
Sailaý qortyndysy shyqqanda jýrnalist Tolyqbai «Nur Otan» partiiasynan keiin «Adal» ekinshi oryn aldy dep málimdegen edi. Alaida «Adal» partiiasynyń tóraǵasy Serik SULTANǴALI jeńilisterin moiyndap, Nursultan NAZARBAEV basqaratyn saiasi uiymdy birinshi bolyp quttyqtady.
Ortalyq sailaý komissiiasynyń dereginshe «Nur Otan» partiiasy 71,09 % daýys ielense, «Aqjol» 10,95 % daýys, QHP 9,10%, «Aýyl» partiiasy 5,29 % , «Adal» bar-joǵy 3,57% daýys qana jinai alǵan.
Alaida, táýelsiz sarapshylar shyn oppozitsiialyq partiialar qatyspasa da sailaý ádiletti ótpedi degen pikir aitady. Máselen «Jas sailaýshylar ligasynyń» baqylaýshylary májilis sailaýyna barlyq partiialar ótti deidi. Olardyń esebi boiynsha «Adal» úshin sailaýshylardyń 12,8% daýys berse, «Aq jolǵa» 20,1%, al «Aýyl» partiiasy 8,33% daýysqa ielense, «Nur Otan» 48,30%, Qazaqstan halyq partiiasy 8,90% daýys alypty.
Derekkóz: malim.kz
