Búginde jergilikti bilik oryndary 2023 jylǵa deiin 1400 qýatandyrý ortalǵyn uiymdastyrý úshin arnaiy jer telimderin aýktsionǵa shyǵarýdy josparlap otyr. Al «Aimaqtyq elektr júiesi» kompaniiasy jol boiynda 500 stansa salýdy moinyna alǵan.
Aldaǵy jyldyń 1 qańtarynan bastap kásipkerlerge ózderi ornatqan kólikti qýattandyrý ortalyqtarynan elektr qýatyn satýǵa ruqsat berdi.
Kólikti qýattandyrý qunyn kásipkerler ózderi belgileidi, iaǵni, qýattandyrý quny elektr energiiasynyń tarifine qatysy joq.
Sonymen qatar kólikti qýattandyrý ortalyǵyn salǵan kásipkerler úsh jylǵa deiin jer jáne múlik salǵynan bosatylady. Osylaisha ózbek aǵaiyndar kásipkerlerdi osy iske investitsiia salýǵa yntalandyrýda.
Eń bastysy kásipkerler qýattandyrý ortalyǵyn salý úshin syrt elderden arnaiy jabdyqtardy jetkizgen kezde olar memleketke kedendik baj salyǵyn tólemeidi. Bul da mańyzdy jeńildik bolyp tur.
Al 2024 jyly jol boiyndaǵy saýda-ortalyqtary, kóńil kóterý ortalyqtary jáne jol boiyndaǵy qonaq úilerdiń janynda qýattandyrý ortalyǵy bolýy shart.
Budan basqa kórshi eldegi ministrlikter, komitetter, hokimiiattar jáne memlekettik mekemelerdiń kólikteriniń 50 paiyzy elektr qýatymen júretin kólikter bolýy kerek degen talap ta qoiylýda. Mundai jaǵdaida jaqyn bolashaqta Ózbekstannyń memlekettik organdary 3863 elektrokar satyp alýy múmkin.
Ózbekteri 2030 jyldyń 1 qańtarynan bastap elektr qýatymen júretin kólikterdi ózderi shyǵaryp, olardy ýtil alymnan bosatpaqshy. Bul baǵyttaǵy óndiristi órkendetý úshin elektrokar shyǵarýǵa qajetti qosymsha bólshekterdi syrttan jetkizý kezinde kásiporyndar kedendik baj salyǵynan bosatylady.
Osylaisha Shavkat Mirziioev búkil ózbekti ekologiialyq turǵydan taza kólikke mingizýdi josparlap otyr. Al biz bolsaq, orystyń jaman kóliginen qutyla almaýdamyz.
Endi ózbek aǵaiyndar jyl saiyn el aýmaǵyna ýtil alymsyz 10 myńnan astam elektrokardy kirigizbekshi. Budan basqa ózbek biligi jolaýshylar tasymalynda elektr qýatymen júretin kólik túrlerin paidalanǵan mekemelerge memlekettik litsenziia bergen kezde memlekettik qun salǵynan bosatýdy da qarastyrýda.
Ózbekstannyń Memlekettik statistika komitetiniń málimetinshe, sońǵy 11 aidy kórshimiz 61,3 mln dollarǵa 1912 elektrokar satyp alǵany málim boldy. Onyń basym bóligin ózbekter Qytaidan (1675) jetkizgen.
