Ózbekstan prezidenti Shavkat Mirziiaev qazirgi zamannyń qarý-jaraqtary men áskeri tehnikasyn daiyndaýmen ainalysatyn otandyq áskeri ónerkásip keshenin qurýdy usyndy.
Memleket basshysy bul usynysyn respýblikanyń Qarýly Kúshteriniń qurylǵanyna 25 jyl tolýyna arnalǵan merekelik jiynda aitty.
Prezident usynysy boiynsha, elde áskeri tehnikany jetildirý men jóndeý, áskeri ónimderdi shyǵarýǵa arnalǵan 2017-2021 jyldardyń keshendi baǵdarlamasyn ázirleý qajet.
"Otandyq áskeri ónerkásip keshenin quratyn kez keldi", - dep málimdedi Shavkat Mirziiaev.
Ózbek prezidentiniń pikirinshe, bolashaqta ǵylymi óndiristik baza qurýdy qolǵa alyp, áskeri ónimder shyǵarýda álemniń aldyńǵy qatarly elderimen birlesken kásiporyndar ashý kerek.
