وزبەكستان پرەزيدەنتى شاۆكات ميرزيايەۆ قازىرگى زاماننىڭ قارۋ-جاراقتارى مەن اسكەري تەحنيكاسىن دايىنداۋمەن اينالىساتىن وتاندىق اسكەري ونەركاسىپ كەشەنىن قۇرۋدى ۇسىندى.
مەملەكەت باسشىسى بۇل ۇسىنىسىن رەسپۋبليكانىڭ قارۋلى كۇشتەرىنىڭ قۇرىلعانىنا 25 جىل تولۋىنا ارنالعان مەرەكەلىك جيىندا ايتتى.
پرەزيدەنت ۇسىنىسى بويىنشا، ەلدە اسكەري تەحنيكانى جەتىلدىرۋ مەن جوندەۋ، اسكەري ونىمدەردى شىعارۋعا ارنالعان 2017-2021 جىلداردىڭ كەشەندى باعدارلاماسىن ازىرلەۋ قاجەت.
"وتاندىق اسكەري ونەركاسىپ كەشەنىن قۇراتىن كەز كەلدى"، - دەپ مالىمدەدى شاۆكات ميرزيايەۆ.
وزبەك پرەزيدەنتىنىڭ پىكىرىنشە، بولاشاقتا عىلىمي وندىرىستىك بازا قۇرۋدى قولعا الىپ، اسكەري ونىمدەر شىعارۋدا الەمنىڭ الدىڭعى قاتارلى ەلدەرىمەن بىرلەسكەن كاسىپورىندار اشۋ كەرەك.
