Chılanzar aýdany ishki ister basqarmasy sheneýniginiń habarlaýynsha, úsh kúnde 58 nysan – túngi klýbtar, kafeler, saýnalar jáne jeke úıler tekserilip, jezókshelikke qatysy bar degen kúdikpen 38 adam ustalǵan.
– Ustalǵandarǵa aıyppul salynyp, olardy Sergeli aýdanyndaǵy teri-venerologıalyq dıspanserine jiberildi, – dedi ol.
Tashkenttiń Chılanzar aýdanynda turatyn jýrnalıs Bobomýrod Abdýlla mılısıanyń mundaı áreketinen túk shyqpaıtynyn aıtty:
– Sońǵy ýaqytta Tashkenttiń bul aýdany jezókshelerdiń ordasyna aınaldy. Olar Katartal kóshesiniń boıynda tizilip turady. Sonyń kesirinen biz kúndiz balalarmen serýendeı almaıtyn boldyq. Biraq mılısıanyń qolyna túsken jezókshelerge ne bolady? Men buny zerttep kórdim. Olardyń qyzdardy uryp, zorlaǵan kezderi bolǵan. Kúshpen tekserý júrgizý áreketinen túk shyqpaıdy, – dep esepteıdi jýrnalıs.
