"Ministrliktenbiz" deitin belgisiz adamdar úi-úidi aralap júrgeni týraly aqparat tarady, dep habarlaidy Dalanews.kz.
Oqý-aǵartý ministrliginiń baspasóz qyzmeti bul jaǵdaiǵa pikir bildirdi.
"Áleýmettik jelilerde ózin Oqý-aǵartý ministrliginiń qyzmetkerleri retinde tanystyrǵan belgisiz adamdar úilerdi aralap júrgeni týraly habarlamalar men videolar tarap jatyr. Qazaqstan Respýblikasynyń Oqý-aǵartý ministrligi resmi túrde ministrlik qyzmetkerleri úi aralap, jeke derekter nemese basqa da aqparat jinamaitynyn málimdeidi. Ózin ministrlik atynan keldik dep tanystyryp, qujattar men derekter talap etken nemese úige kirmek bolǵan adamdardyń ministrlikke qatysy joq jáne olardyń alaiaqtar bolýy múmkin ekenin eskertemiz. Bul adamdardyń zańsyz áreketteri úshin ministrlik jaýapty emes", - dep jazylǵan habarlamada.
Ministrlik ókilderi qyraǵylyq tanytýǵa, dereý quqyq qorǵaý organdaryna habarlasýǵa shaqyrdy.
