Qazaqstanda latyn grafıkasyna kóshý jumysy birneshe jyl boıy júıeli túrde júrgizilip keledi. Bul týraly Oqý-aǵartý mınıstri Saıasat Nurbek málimdedi, dep habarlaıdy Dalanews.kz.

Aıtýynsha, qazirge deıin álipbıdiń birneshe nusqasy ázirlengen. Degenmen til mamandary lıngvıser, fılolog-ǵalymdar áli ortaq mámilege kelmegen.

“Bul jumys bizdiń mınıstrlik arqyly atqarylyp keledi. Álipbıdiń ár nusqasyn saraptaý barysynda ǵylymı-fonetıkalyq, orfografıalyq turǵydan ǵana emes, ekonomıkalyq jáne sıfrlyq saldarlary da qarastyrylýda. Sebebi qujat aınalymyn, kóshe ataýlaryn jáne basqa da jazbalardy jańa álipbıge kóshirý úlken shyǵyndy talap etedi”, – dedi mınıstr.

Saıasat Nurbektiń sózinshe, eń bastysy – asyǵys sheshim qabyldamaı, barlyq faktordy eskere otyryp, durys nusqany bekitý.

“Sál sabyr saqtaýlaryńyzdy suraımyn. Jumys jalǵasyp jatyr, jaqyn arada qosymsha aqparat beriletin bolady. Eń mańyzdysy – ǵylymı toptyń jumysyn tolyq aıaqtaýǵa múmkindik jasaý”, – dep túıindedi mınıstr.