Resmı aqparatqa sáıkes, 11 tamyzda kólik mınıstri ózine qol jumsamaq bolǵan, biraq týystary qutqaryp qalǵan.
62 jastaǵy Hýdoór Hýdoórzoda sýısıd jasamaq bolǵan sebebin aıtpady.
"Aýrýhanadan qashan shyǵarady, bilmeımin. Qazir emdelip jatyrmyn",- dedi kólik mınıstri.
Tájikstan bas prokýratýrasynyń málimdeýinshe, Hýdoór Hýdoórzoda otbasylyq janjal kezinde asúı pyshaǵymen ózine qol suqpaq bolǵan.
Biraq kólik mınıstrligi qyzmetkerleri sol kúni mınıstr depressıada bolǵanyn aıtady.
"Sýısıd sebebi otbasyndaǵy problemaǵa baılanysty bolmasa kerek, sol kúni Hýdoórzodanyń ózi jumysta depressıada otyrdy. Otbasynda eshqandaı janjal bolǵan emes. Tamasha áıeli men balalary bar", - dedik kólik mınıstrliginiń ókili.
Tájikstannyń bas prokýratýrasy bul iske qatysty tergeý júrip jatqanyn málimdedi. Sheneýniktiń týystary suqbat berýden bas tartty.
Osynyń aldynda "Istıklol" medısına ortalyǵynyń dárigeri aty-jónin jasyryp, Hýdoór Hýdoórzodanyń ishinen pyshaq jaraqatyn alyp, aýrýhanaǵa túskenin habarlaǵan.
Hýdoór Hýdoórzoda 2017 jyldan beri kólik mınıstri qyzmetin atqaryp keledi.
