Astanada Qazaqstan Respýblikasynyń Kólik ministri Marat Qarabaev pen AQSh Saýda palatasynyń Aǵa vitse-prezidenti Hýsh Choksi bastaǵan AQSh Saýda missiiasynyń delegatsiiasy arasynda kezdesý ótti, dep habarlaidy Dalanews.kz.
Delegatsiia quramynda Apple, Boeing, Citi, Wabtec, Google siiaqty 20 jetekshi amerikandyq kompaniialardyń ókilderi boldy.
Kezdesýde kólik salasyndaǵy yntymaqtastyqqa erekshe nazar aýdaryldy. M.Qarabaev Qazaqstannyń kólik salasy halyqaralyq saýdany damytýda sheshýshi ról atqaratynyn jáne Eýropa men Aziiany birneshe strategiialyq mańyzdy dálizder arqyly bailanystyratynyn atap ótti. Osy turǵyda Qazaqstan sheteldik kompaniialarmen investitsiia jáne yntymaqtastyq úshin keń múmkindikter usynady.
"Otyrysta lokomotivter men temirjol tehnologiialaryn óndirý salasyndaǵy kóshbasshy Wabtec kompaniiasynyń qatysýymen temirjol kóligin jańǵyrtý máseleleri talqylandy.
Sonymen qatar, Qazaqstannyń aviatsiialyq biligi AQSh-pen tikelei reisterdi iske qosý týraly kelissózder júrgizýde, bul ekonomikalyq yntymaqtastyq úshin jańa múmkindikter ashady", delingen 9 qazandaǵy ministrlik taratqan habarlamada.
Kezdesý sońynda taraptar Qazaqstannyń kólik júiesiniń tiimdiligin arttyrýǵa, logistikalyq protsesterdi jaqsartýǵa jáne elimizdiń halyqaralyq arenadaǵy ustanymyn nyǵaitýǵa múmkindik beretin, kólik salasyndaǵy belsendi ózara is-qimyldy jalǵastyrýǵa kelisti.
