Aýyl sharýashylyǵy ministri tanymal «shain mýskat» júziminiń quramyn tekseretin boldy, - dep habarlaidy Dalanews.kz Nege.kz-ke siltep.
Jýrnalisterdiń suraqtaryna jaýap bergen ministrlik basshysy Qazaqstanǵa keletin árbir ónim tekseriletin alǵa tartty. Onyń aitýynsha, eger jemister Qazaqstanǵa zańdy túrde kirgen bolsa, onda olar barlyq tekserýden ótip qoiǵan.
Alaida júzimniń quramynda kóp mólsherde nitrat bar degen aqparat tarap jatyr.
«Qaitadan tekserip kóreiik. Ótinish jazyńyz, biz ony qaitadan tekseremiz jáne sizge nátijesin kórsetemiz. Biraq shyn máninde, ónim kelip, sertifikattar berilgen kezde, biz olardy mindetti túrde zerthanaǵa tapsyramyz. Sondyqtan biz mundaǵy zerthanamyzdy jańa qural-jabdyqtarmen nyǵaitpaqpyz. Veterinariiaǵa arnalǵan toǵyz jabdyqty satyp alyp jatyrmyz. Osylaisha bizge ónimniń sapasyn tekserý ońaiyraq bolady», - dedi ministr.
Ministr tanymal júzimniń dámin tatyp kórmegenin aitty.
«Joq, ony áli jep kórgen joqpyn. «Korei» júzimderin tekserip kóreiik. Shekaradan ótken bolsa qujattary, anyqtamalary bar dep oilaimyn. Eger zańsyz jolmen kelse, basqa másele. Búgin komitet tóraǵasyna tapsyrma beremin. Ol úlgisin alyp, tekserip kórsin», – dedi Saparov.
