Ónerkásipte jasandy intellektini qoldaný taýar baǵasyn tómendetýge múmkindik beredi. Bul týraly Indýstriia jáne qurylys ministri Ersaiyn Naǵaspaev málimdedi, dep habarlaidy Dalanews.kz.
Ministrdiń aitýynsha, jasandy intellekt pen tsifrlyq tehnologiialardy óndiris protsesine engizý qazaqstandyq kásiporyndarǵa ónimniń ózindik qunyn azaityp, básekege qabilettilikti arttyrýǵa jol ashady.
Ersaiyn Naǵaspaev qazirgi tehnologiialar resýrstardy tiimdi paidalanýǵa, óndiristik shyǵyndardy tómendetýge jáne qol eńbegine degen qajettilikti azaitýǵa kómektesetinin atap ótti.
"Álemdik tájiribe birqatar salada jasandy intellekt adamnyń qyzmetin ishinara almastyryp jatqanyn kórsetse de, Qazaqstan úshin basty mindet — jańa jumys oryndaryn qurý jáne eńbek naryǵyn ártaraptandyrý bolyp qala beredi", - deidi ol.
Ministrdiń sózinshe, óndiristi tsifrlandyrýdyń taǵy bir mańyzdy nátijesi otandyq ónim sapasynyń artýy jáne onyń qoljetimdi bolýy. Óndirýshilerdiń kóbeiýi básekelestikti arttyrady, al báseke taýar baǵasyn tómendetip, sapasyn jaqsartady. Sondai-aq resýrstarǵa, energiiaǵa jáne jumys kúshine jumsalatyn shyǵyn azaiǵan saiyn ónimniń ózindik quny da tómendeidi.
