Búgin QR Týrizm jáne sport ministri Erbol Myrzabosynovtyń qyzmetine kiriskenime 100 kún toldy. Osy ýaqyt aralyǵynda ministrlik Memleket basshysynyń tapsyrmalaryna sáikes naqty maqsattar qoiylyp, solardy júzege asyrý baǵytynda birqatar mańyzdy jumystar atqardy, – dep habarlaidy Dalanews.kz.
Óz kezeginde QR Týrizm jáne sport ministri Erbol Myrzabosynov alda áli de josparlanǵan kóp ekenin alǵa tartty. Ol Ulttyq arnanyń tikelei efirinde suhbat berip, týrizm jáne sport salasy týraly keńirek aitty.
Suhbat barysynda Myrzabosynov sport basqarmalary basshylarynyń jappai aýysýyn túsindirip te berdi. Kúni búginge deiin elimiz boiynsha onnan astam óńirde sport basqarmalarynyń basshylary qyzmetterinen bosatyldy.
– Munda obektivti tásil bar: sońǵy jyldary litsenziia sany men Olimpiada oiyndaryndaǵy medaldarǵa deiingi nátijeler aitarlyqtai tómendedi. Ministrlik tarapynan komissiia quryldy, onyń quramyna depýtattar, qoǵamdyq uiymdar men vedomstvo ókilderi kirdi. Óńirlerge baratyn mamandar úshin alǵashqy kriterii – adamnyń sport salasynan bolýy. Ol sportty basqarý menedjmentiniń negizderin biletin, daiyndyq teoriiasy men ádistemesiniń belgili bir baǵyttaryna ie maman bolýy kerek, – dedi Erbol Myrzabosynov.
Ministr bul kriteriilerge negizdele otyryp, kandidattardy anyqtap, olardy ákimdikterge usynatynyn atap ótti.
– Biz bárimiz memlekettiń igiligi úshin jumys isteimiz, óńirdiń damý indikatorlary durys bolǵan jaǵdaida múddeler qaishylyǵy bolmaidy. Sebebi biz qazirdiń ózinde ár óńir úshin sporttyń basym baǵyttaryn anyqtap qoidyq. Bul sport túrleri Olimpiada baǵdarlamasyna, Paralimpiada baǵdarlamasyna jáne ulttyq sport túrlerine kiredi. Munda eshqandai túsinbeýshilik joq. Endi óńirler bir-birimen básekelespeidi. Ár óńirge naqty tapsyrma beriledi: qandai sport túrin damytý qajet jáne respýblikalyq deńgeide qandai nátije kórsetýi tiis, – dedi Myrzabosynov.
Ministr atap ótkendei, Olimpiadaǵa deiin taǵaiyndalǵan 5-6 basqarma basshysy ǵana qyzmetinde qaldy. Onyń aitýynsha, olar áli tolyq jumys istep úlgermegen, biraq olardyń aldyna naqty maqsatty indikatorlar qoiylǵan.
