Oqý-aǵartý ministri Ǵani Beisembaevtyń otstavkaǵa ketýine qatysty másele qoǵamda jii talqylanady. Ministr bul máseleniń núktesin qoidy, - dep habarlaidy Dalanews.kz.
Byltyr bir top muǵalim Beisembaevtyń otstavkaǵa ketýin talap etti. Tiisti úndeý sol kezdegi QR premer-ministri bolǵan Álihan Smaiylovqa, QR Parlamenti Májilisiniń tóraǵasy Erlan Qoshanovqa jáne depýtattarǵa baǵyttaldy.
Oqý-aǵartý ministrliginiń basshysynyń sózinshe, otstavka óziniń quzyretindegi másele emes.
«Meniń ministr bolý-bolmaýymdy Memleket basshysy sheshedi. Meniń de quzyretimdegi dúnie emes. Men tańǵalatyn dúnie: bilim júiesiniń sapasyn arttyrýǵa, ony álemnen kem emes etýge búkil oi-jigerimizdi jumyldyrýdyń ornyna, kerek emes, mańyzdy emes dúnielerge qoǵamdy alańdatýǵa áýespiz. Bul jerde jýrnalister de suraqty durys, maqsatty qoiýy kerek pe dep oilaimyn. Sebebi barlyǵymyzdyń qoiatyn suraǵymyz, talabymyz balalarymyzdyń bilimi men tárbiesi týraly bolsa, ministrdiń kelý-ketýinde turǵan másele joq. Ol zańdy qubylys ekenin jaqsy bilemin. Óitkeni ministr qyzmetine taǵaiyndalǵannan bastap barlyq ministrge qoiylatyn dástúrli, ábden belgili suraq. Odan men de qalys qala almaimyn», — dedi ministr «Azattyq rýhyna».
Aita keteiik, Ǵani Beisembaev 2023 jylǵy qańtardan bastap Qazaqstan Respýblikasynyń Oqý-aǵartý ministri qyzmetine taǵaiyndaldy. Buǵan deiin ministr qyzmetin Ashat Aimaǵambetov atqardy.
