Qazaqstanda paidalanylmai jatqan aýyl sharýashylyǵy jerlerin memleket menshigine qaitarý jumystary jalǵasyp jatyr, dep habarlaidy Dala News.
Aýyl sharýashylyǵy ministrliginiń málimetinshe, 2025 jyldyń qorytyndysy boiynsha josparlanǵan kórsetkishten asyp túsip, 2,1 mln gektar jer memleketke qaitarylǵan. Bul jerler uzaq ýaqyt boiy igerilmegen nemese zań talaptaryn buza otyryp paidalanylǵan.
Qaitarylǵan aýmaqtardyń bir bóligi jergilikti halyqtyń ortaq paidalanýyna berilgen. Atap aitqanda, 2,8 mln gektar jer aýyl turǵyndarynyń mal jaiýyna arnalǵan jaiylym retinde bólingen. Al qalǵan 5,7 mln gektar jer konkýrs arqyly sharýalar men agroónerkásip sýbektilerine taratylǵan.
Ministrlik dereginshe, 2026 jyldyń ortasyna deiin ainalymǵa engizilmegen taǵy 5,1 mln gektar jerdi tolyq igerý josparlanyp otyr.
Sondai-aq byltyr el boiynsha 2 myńnan astam tekseris júrgizilip, nátijesinde júzdegen jer paidalanýshyǵa eskertý berilgen. Zań talaptary oryndalmaǵan jaǵdaida, jer ýchaskeleri sot arqyly májbúrli túrde memleketke qaitarylady.
Ministrlik ókilderi bul jumys jerdi ádil bólýge, aýyl turǵyndaryn jaiylymmen qamtýǵa jáne agrosalanyń damýyna serpin berýge baǵyttalǵanyn atap ótti.
