قازاقستاندا پايدالانىلماي جاتقان اۋىل شارۋاشىلىعى جەرلەرٸن مەملەكەت مەنشٸگٸنە قايتارۋ جۇمىستارى جالعاسىپ جاتىر, دەپ حابارلايدى Dala News.
اۋىل شارۋاشىلىعى مينيسترلٸگٸنٸڭ مەلٸمەتٸنشە, 2025 جىلدىڭ قورىتىندىسى بويىنشا جوسپارلانعان كٶرسەتكٸشتەن اسىپ تٷسٸپ, 2,1 ملن گەكتار جەر مەملەكەتكە قايتارىلعان. بۇل جەرلەر ۇزاق ۋاقىت بويى يگەرٸلمەگەن نەمەسە زاڭ تالاپتارىن بۇزا وتىرىپ پايدالانىلعان.
قايتارىلعان اۋماقتاردىڭ بٸر بٶلٸگٸ جەرگٸلٸكتٸ حالىقتىڭ ورتاق پايدالانۋىنا بەرٸلگەن. اتاپ ايتقاندا, 2,8 ملن گەكتار جەر اۋىل تۇرعىندارىنىڭ مال جايۋىنا ارنالعان جايىلىم رەتٸندە بٶلٸنگەن. ال قالعان 5,7 ملن گەكتار جەر كونكۋرس ارقىلى شارۋالار مەن اگروٶنەركەسٸپ سۋبەكتٸلەرٸنە تاراتىلعان.
مينيسترلٸك دەرەگٸنشە, 2026 جىلدىڭ ورتاسىنا دەيٸن اينالىمعا ەنگٸزٸلمەگەن تاعى 5,1 ملن گەكتار جەردٸ تولىق يگەرۋ جوسپارلانىپ وتىر.
سونداي-اق بىلتىر ەل بويىنشا 2 مىڭنان استام تەكسەرٸس جٷرگٸزٸلٸپ, نەتيجەسٸندە جٷزدەگەن جەر پايدالانۋشىعا ەسكەرتۋ بەرٸلگەن. زاڭ تالاپتارى ورىندالماعان جاعدايدا, جەر ۋچاسكەلەرٸ سوت ارقىلى مەجبٷرلٸ تٷردە مەملەكەتكە قايتارىلادى.
مينيسترلٸك ٶكٸلدەرٸ بۇل جۇمىس جەردٸ ەدٸل بٶلۋگە, اۋىل تۇرعىندارىن جايىلىممەن قامتۋعا جەنە اگروسالانىڭ دامۋىنا سەرپٸن بەرۋگە باعىتتالعانىن اتاپ ٶتتٸ.
