«PetroKazahstan Oil Prodakts» JShS baspasóz qyzmeti Shymkent munai óńdeý zaýytynyń janarmai urlyǵyna qatysy bar degen aqparatty joqqa shyǵardy, dep habarlaidy Dalanews.kz.
Kompaniia ókilderiniń aitýynsha, zaýyttaǵy barlyq aidaý jáne jóneltý protsesteri tolyq avtomattandyrylǵan, qabyldaý-tapsyrý aktilerimen rásimdeledi jáne baqylaýshy organdar úshin ashyq.
Sondai-aq kásiporyn birqatar jariialanymdarda atalǵan «Shymkent Munai Ónimderi» AQ-nyń MÓZ-ge qatysy joq ekenin jáne zaýyt aýmaǵynan tys ornalasqanyn naqtylady. Zaýyt qalypty rejimde jumysyn jalǵastyryp jatyr.
Eske salaiyq, keshe Dalanews.kz Shymkentte kóleńkeli ainalymy 1 mlrd teńgeden asatyn janarmai urlaý shemasynyń joly kesilgenin habarlaǵan bolatyn. IIM málimetinshe, istiń barlyq figýranttary ustalyp, tergeý júrgizilýde.
