«پەتروكازاحستان ويل پروداكتس» ج ش س باسپا ءسوز قىزمەتى شىمكەنت مۇناي وڭدەۋ زاۋىتىنىڭ جانارماي ۇرلىعىنا قاتىسى بار دەگەن اقپاراتتى جوققا شىعاردى، دەپ حابارلايدى Dalanews.kz.
كومپانيا وكىلدەرىنىڭ ايتۋىنشا، زاۋىتتاعى بارلىق ايداۋ جانە جونەلتۋ پروسەستەرى تولىق اۆتوماتتاندىرىلعان، قابىلداۋ-تاپسىرۋ اكتىلەرىمەن راسىمدەلەدى جانە باقىلاۋشى ورگاندار ءۇشىن اشىق.
سونداي-اق كاسىپورىن ءبىرقاتار جاريالانىمداردا اتالعان «شىمكەنت مۇناي ونىمدەرى» اق-نىڭ موز-گە قاتىسى جوق ەكەنىن جانە زاۋىت اۋماعىنان تىس ورنالاسقانىن ناقتىلادى. زاۋىت قالىپتى رەجيمدە جۇمىسىن جالعاستىرىپ جاتىر.
ەسكە سالايىق، كەشە Dalanews.kz شىمكەنتتە كولەڭكەلى اينالىمى 1 ملرد تەڭگەدەن اساتىن جانارماي ۇرلاۋ سحەماسىنىڭ جولى كەسىلگەنىن حابارلاعان بولاتىن. ءىىم مالىمەتىنشە، ءىستىڭ بارلىق فيگۋرانتتارى ۇستالىپ، تەرگەۋ جۇرگىزىلۋدە.
