Abai oblysy Úrjar aýdanynda jol apatynan zardap shekken balalardyń jaǵdaiy belgili boldy, dep habarlaidy Dalanews.kz.
Oblystyq jáne respýblikalyq deńgeidegi mamandardan turatyn mýltidistsiplinalyq brigada diagnostikalyq zertteý júrgizip, zardap shekkenderdiń jaǵdaiyn baǵalap, jedel emdeý josparyn jasaǵan.
"Statsionarda zardap shekken úsh bala bar, olardyń bireýiniń jaǵdaiy óte aýyr, qalǵan ekeýiniń jaǵdaiy turaqty aýyr. Balalarǵa bassúiek-mi jaraqaty, tirek-qimyl apparaty men ishki aǵzalardyń jaraqattary diagnozy qoiylǵan. Balalardyń jaǵdaiy turaqtalǵannan keiin olardy Astanaǵa áýe bortymen tasymaldaý máselesi sheshiledi", - dep jazylǵan habarlamada.
Ministrlik málimetinshe, dárigerler qazir naýqastardyń biriniń miyna kúrdeli neirohirýrgiialyq ota jasap jatyr, ishki aǵzalardan ketken qan toqtatylǵan.
Eske salaiyq, buǵan deiin Úrjarda júrgizýshi aýlada otyrǵan alty balany qaǵyp ketkeni habarlandy.
