"Krokýs Siti Holldaǵy" shabýyldan keiin Máskeý migratsiialyq zańdaryn taǵy kúsheitpek. Azattyq málim etkendei, Reseidegi qyrǵyzstandyqtar kóshede, úide tekserýlerdiń kóbeigenin, ortalyqaziialyqtarǵa kózqaras ózgergenin aitady, dep habarlaidy Dalanews.kz.
Qyrǵyz parlamenti migranttardyń sońǵy jaǵdaiyna da mán berip, arnaiy talqylady.
Tilek (aty ózgertildi) Reseide "qara tizimde" ekenin, oǵan bul elge ómir boiy kirýge tyiym salynǵanyn jaqynda bilgen. Reseide jumys istep kelip, Qyrǵyzstanǵa baryp, keri qaitqanda ony kirgizbegen.
"Men Saharovoǵa analiz tapsyrýǵa barǵam. Nátijesi jaqsy boldy. Qyrǵystanǵa kelip, qaitadan Reseige bara jatqanymda, meni keri qaitardy. Men ol jaqta eshqandai zań buzǵan emespin. Zańgerlerge qairylsam, olar Reseige ómir boiy kirýge shekteý qoiylǵanyn málimdedi. Densaýlyǵyma bailanysty meni kirgizbeidi eken" dedi Tilek.
Jaqynda eki politsiia Mairamnyń úiine basa-kóktep kirip, qujattaryn teksergen. Máskeýde jumys isteitin ol politsiia metroda óte kóp ekenin jetkizdi.
Saǵyn Máskeýde avtobýs júrgizedi.
"Kóshege shyǵýdan qaldyq. Kóbinde tájikterdi ustap jatyr. Olardyń kóbi saqalyn qyryp júretin boldy. Kóshede tekserýler óte kóp", - deidi Saǵyn.
Migranttarmen jumys isteitin zańger Mirlan Toktobekovtiń aitýynsha, "Krokýs Siti Holldaǵy" oqiǵadan keiin olarǵa kómek surap kelip jatqandardyń sany bes esege kóbeigen.
Reseidegi migranttardyń jaǵdaiy Jogorký Keńeshte kóterildi. Migranttar jaǵdaiy týraly syrtqy ister ministriniń orynbasary Almaz Imangaziev aqparat berdi.
Onyń sózinshe, "Krokýs Siti Holldaǵy" shabýyldan keiin túrli sebeptermen 69 qyrǵyzstandyq Resei aýmaǵyna kirgizilmegen.
