«MýzART» tobynyń ánshisi Kenjebek Janábilov júrek qan tamyrlarynyń bitelýine bailanysty aýrýhanaǵa túsip, jansaqtaý bóliminde em qabyldady, dep habarlaidy dalanews.kz.
Bul týraly ánshi óziniń Instagram paraqshasynda málimdedi.
Onyń aitýynsha, densaýlyǵyna bailanysty Shymkentte josparlanǵan kontsertke qatysa almaǵan.
«Búgin Shymkentte ótetin kontsertke shyǵýym kerek edi. Alaida júregimdegi qan tamyrlary bitelip qaldy. Qazir jansaqtaý bóliminen qarapaiym palataǵa aýystyryldym», - dedi Kenjebek Janábilov.
Ánshi ózine der kezinde meditsinalyq kómek kórsetken dárigerlerge alǵysyn bildirdi.
Qazirgi tańda onyń jaǵdaiy jaqsaryp, jansaqtaý bóliminen jalpy palataǵa aýystyrylǵan. Áriptesteri men tyńdarmandary óner iesine tezirek saýyǵyp ketýine tilektestik bildirýde.
