Zaiyrly, demokratiialyq memleket degenimiz ne? Úkimet dinge aralaspaý kerek, ras. Biraq din de memlekettik máselelerine aralaspaý kerek qoi!
Bizdiń memleketimizde ideologiialyq jumys bolmaǵandyqtan ideologiia salasynda da bardak bop tur.
Mysaly, Muhamedjan Tazabek, dindi Asyl arnanyń jetekishisi, nege memlekettik organdarǵa baryp - politsiiaǵa, áskerlerge, mektepterge, VÝZdarǵa - ýaǵyz aityp júr?
Bundai múmkindik oǵan kim berip otyr? Nege ol politsiiany beibit mitingke shyqqan halyqqa qarsy aidap salýda?
Oǵan bundai quqyq oǵan kim berdi? Bundai áreket naǵyz arandatýshylyq dep bilem. Politsiia beibit sherýge shyqqan halyqqa kúsh jumsamaý kerek. Beibit miting-sherýdi ótkizý - ol halyqtyń Konstitýtsiialyq quqyǵy.
Negizi dinshiler saiasatqa aralasatyn bolsa túbi Qazaqstandy halifatqa ainaldyrý múmkin. Saýd arabiia, Afǵanstan, Siriia sekildi elderge ainalamyz. Buǵan daiynsyńdar ma? Túbi sózsiz óte qandy soǵyz bolady. Bizge Shariǵat álde demokratiia kerek pe? Tańdaý jasaýymyz qajet, sebebi bul bir birine 100% qarama qaishy qubylystar.
Búgingi kúnderdi repressiia deimiz, al sol kezde qandy terror bastalady. Adamdardyń bastary men qoldaryn shabý, áielderdi taspen óltirý, tb. Óitkeni halifat Shariǵat zańymen ómir súredi. Elimiz óte qarańǵy elge ainalady. Sondyqtan biz zaiyrly memleketti saqtap qalýymyz jón.
Memleket din máselelerine, din - memleket máselelerine aralaspaý kerek. Din - adamnyń jeke sharýasy, quqy. Zaiyrly memleketimiz degen osy. Alashorda qairatkerleri zaiyrly memleketke zar boldy. Biz de bundai ustanymynda qalýymyz kerek.
