Caiasatker Muhtar Taijan elimizde qurylatyn Ekonomikalyq reformalar ortalyǵyn basqarýǵa ázir ekenin aitty dep habarlaidy Dalanews.kz.
Úkimettiń búgingi keńeitilgen otyrysynda prezident Toqaev Ekonomikalyq reformalar ortalyǵyn qurýdy tapsyrdy. Taijan osy ortalyqqa qoǵamdyq negizde jetekshilik etip, reformalardy shynaiy júrgizýge daiynmyn deidi.
"Toqaev Ekonomikalyq reformalar ortalyǵyn qurýdy tapsyrǵan eken. Qazaqstan ekonomikasyn reformalaý meniń stýdenttik kezden bergi armanym.
Biz elimizdegi ekonomikalyq ahýaldy 1,5 jyldyń ishinde ózgerte alamyz.
Eger bul qolymyzdan kelmese, men budan keiin eshqashan ekonomikalyq saiasattyń mańyna jolamaimyn", – deidi Taijan.
Onyń aitýynsha qazirgi sheneýnikter el ekonomikasyn shyn máninde reformalai almaidy. Sebebi eldi tyǵyryqqa tirep, búgingi jaǵdaida túsirgen dál osy sheneýnikter.
"Osy jyldar ishinde olar (shendiler red.) ábden bylyqqa batty. Kópshiligi korrýptsiiamen aýyz jalasyp, abyroiyn joǵaltty. Olar ózderiniń qanyna sińgen daǵdydan attap kete almaidy. Belgili bir toptyń soiylyn soǵatyndar elimizdiń damýyn tejep otyr.
Toq eterin aitqanda men Toqaev aitqan Ekonomikalyq reformalar ortalyǵyn basqarýǵa ázirmin", – dedi Taijan.
Úkimettiń keńeitilgen otyrysynda prezident aldaǵy mamyr aiynda reformalar baǵdarlamasyn ázirleýdi ári osy reformalardy súzgiden ótkizetin ortalyq qurýdy tapsyrdy.
Ortalyqqa memleket tarapynan qarjy bólinbeidi, ol qoǵamdyq negizde jumys isteitin bolady.
