Muhtar Qul-Muhammed "Nur Otanǵa" keldi

Muhtar Qul-Muhammed "Nur Otanǵa" keldi
Saiasi keńes Biýrosynyń otyrysynda Nursultan Nazarbaevtyń buiryǵymen Muhtar Qul-Muhammed «Nur Otan» partiiasy tóraǵasynyń birinshi orynbasary bolyp taǵaiyndaldy.

Buǵan deiin birinshi orynbasardyń qyzmetin atqaryp kelgen Asqar Myrzahmetov endigi jerde Aýyl sharýashylyǵynyń ministri mindetin atqaratyn bolady.

Aita ketelik, buǵan deiin Muhtar Qul-Muhammed Qazaqstan Respýblikasy Prezidentiniń keńesshisi boldy.

Ómirderek

Muhtar Abraruly Qul-Muhammed 1960 jyly 12 jeltoqsanda Qytai Halyq Respýblikasynyń Sháýeshek qalasynda dúniege kelgen.

Ál-Farabi atyndaǵy Qazaq ulttyq ýniversitetin támamdaǵan.

1982-1992 jyldary - «Qazaq entsiklopediiasy» Bas redaktsiiasynyń ǵylymi redaktory, aǵa ǵylymi redaktory, filosofiia, quqyq jáne áleýmettaný redaktsiiasynyń meńgerýshisi, jaýapty hatshysy, bas direktordyń orynbasary. 1992-1999 jyldary - shaǵyn kásiporyn direktory, «Atamura» korporatsiiasynyń prezidenti. 1999-2001 jyldary - Qazaqstan Respýblikasy Parlamenti Senatynyń depýtaty, Zańnama jáne quqyqtyq reforma komitetiniń hatshysy, Áleýmettik-mádeni damý komitetiniń tóraǵasy. 2001-2003 jyldary Qazaqstan Respýblikasy Mádeniet, aqparat jáne qoǵamdyq kelisim ministri. 2003-2007 jyldary Qazaqstan Respýblikasy Prezidentiniń keńesshisi jáne baspasóz hatshysy, Qazaqstan Respýblikasy Prezidenti Ákimshiligi basshysynyń orynbasary. 2007-2008 jyldary - Qyzylorda oblysynyń ákimi. 2008-2010 jyldary - Qazaqstan Respýblikasy Mádeniet jáne aqparat ministri qyzmetterin atqarǵan. 2010 jyldyń 12 naýryzynan - QR Mádeniet ministri. 2012-2013 jyldary QR Memlekettik hatshysy. 2013-2014 jyldary Qazaqstan Respýblikasynyń Mádeniet jáne aqparat ministri.