Бұған дейін бірінші орынбасардың қызметін атқарып келген Асқар Мырзахметов ендігі жерде Ауыл шаруашылығының министрі міндетін атқаратын болады.
Айта кетелік, бұған дейін Мұхтар Құл-Мұхаммед Қазақстан Республикасы Президентінің кеңесшісі болды.
Өмірдерек
Мұхтар Абрарұлы Құл-Мұхаммед 1960 жылы 12 желтоқсанда Қытай Халық Республикасының Шәуешек қаласында дүниеге келген.
Әл-Фараби атындағы Қазақ ұлттық университетін тәмамдаған.
1982-1992 жылдары - «Қазақ энциклопедиясы» Бас редакциясының ғылыми редакторы, аға ғылыми редакторы, философия, құқық және әлеуметтану редакциясының меңгерушісі, жауапты хатшысы, бас директордың орынбасары. 1992-1999 жылдары - шағын кәсіпорын директоры, «Атамұра» корпорациясының президенті. 1999-2001 жылдары - Қазақстан Республикасы Парламенті Сенатының депутаты, Заңнама және құқықтық реформа комитетінің хатшысы, Әлеуметтік-мәдени даму комитетінің төрағасы. 2001-2003 жылдары Қазақстан Республикасы Мәдениет, ақпарат және қоғамдық келісім министрі. 2003-2007 жылдары Қазақстан Республикасы Президентінің кеңесшісі және баспасөз хатшысы, Қазақстан Республикасы Президенті Әкімшілігі басшысының орынбасары. 2007-2008 жылдары - Қызылорда облысының әкімі. 2008-2010 жылдары - Қазақстан Республикасы Мәдениет және ақпарат министрі қызметтерін атқарған. 2010 жылдың 12 наурызынан - ҚР Мәдениет министрі. 2012-2013 жылдары ҚР Мемлекеттік хатшысы. 2013-2014 жылдары Қазақстан Республикасының Мәдениет және ақпарат министрі.
