بۇعان دەيىن ءبىرىنشى ورىنباساردىڭ قىزمەتىن اتقارىپ كەلگەن اسقار مىرزاحمەتوۆ ەندىگى جەردە اۋىل شارۋاشىلىعىنىڭ ءمينيسترى مىندەتىن اتقاراتىن بولادى.
ايتا كەتەلىك، بۇعان دەيىن مۇحتار قۇل-مۇحاممەد قازاقستان رەسپۋبليكاسى پرەزيدەنتىنىڭ كەڭەسشىسى بولدى.
ومىردەرەك
مۇحتار ابرار ۇلى قۇل-مۇحاممەد 1960 جىلى 12 جەلتوقساندا جۇڭگو حالىق رەسپۋبليكاسىنىڭ شاۋەشەك قالاسىندا دۇنيەگە كەلگەن.
ءال-فارابي اتىنداعى قازاق ۇلتتىق ۋنيۆەرسيتەتىن ءتامامداعان.
1982-1992 جىلدارى - «قازاق ەنسيكلوپەدياسى» باس رەداكسياسىنىڭ عىلىمي رەداكتورى، اعا عىلىمي رەداكتورى، فيلوسوفيا، قۇقىق جانە الەۋمەتتانۋ رەداكسياسىنىڭ مەڭگەرۋشىسى، جاۋاپتى حاتشىسى، باس ديرەكتوردىڭ ورىنباسارى. 1992-1999 جىلدارى - شاعىن كاسىپورىن ديرەكتورى، «اتامۇرا» كورپوراسياسىنىڭ پرەزيدەنتى. 1999-2001 جىلدارى - قازاقستان رەسپۋبليكاسى پارلامەنتى سەناتىنىڭ دەپۋتاتى، زاڭناما جانە قۇقىقتىق رەفورما كوميتەتىنىڭ حاتشىسى، الەۋمەتتىك-مادەني دامۋ كوميتەتىنىڭ ءتوراعاسى. 2001-2003 جىلدارى قازاقستان رەسپۋبليكاسى مادەنيەت، اقپارات جانە قوعامدىق كەلىسىم ءمينيسترى. 2003-2007 جىلدارى قازاقستان رەسپۋبليكاسى پرەزيدەنتىنىڭ كەڭەسشىسى جانە باسپا ءسوز حاتشىسى، قازاقستان رەسپۋبليكاسى پرەزيدەنتى اكىمشىلىگى باسشىسىنىڭ ورىنباسارى. 2007-2008 جىلدارى - قىزىلوردا وبلىسىنىڭ اكىمى. 2008-2010 جىلدارى - قازاقستان رەسپۋبليكاسى مادەنيەت جانە اقپارات ءمينيسترى قىزمەتتەرىن اتقارعان. 2010 جىلدىڭ 12 ناۋرىزىنان - ق ر مادەنيەت ءمينيسترى. 2012-2013 جىلدارى ق ر مەملەكەتتىك حاتشىسى. 2013-2014 جىلدارى قازاقستان رەسپۋبليكاسىنىڭ مادەنيەت جانە اقپارات ءمينيسترى.
