Apelliatsiialyq instantsiia Arystanbek Muhamediulynyń isi boiynsha sheshim shyǵardy, - dep habarlaidy Dalanews.kz.
Astananyń qylmystyq ister jónindegi sot alqasy burynǵy Mádeniet ministri Arystanbek Muhamediulynyń úkimin apelliatsiialyq tártippen qaita qarady.Alaida sot úkimdi ózgerissiz qaldyrýdy sheshti.
Is sottalýshynyń jáne onyń advokatynyń apelliatsiialyq shaǵymdary boiynsha qaraldy, olar sottyń úkimin alyp tastap, Muhamediulyn aqtaýdy surady. Sondai-aq olar birneshe ret sot tergeýin qaita bastaýdy surady.
"Sot alqasy qaýly etedi: Astana qalasynyń qylmystyq ister jónindegi mamandandyrylǵan aýdanaralyq sotynyń 2024 jylǵy 29 aqpandaǵy Muhamediuly, Satybaldin, Nurazhan, Kochetov, Kóshenov, Sádýaqasova jáne Jýaspaevaǵa qatysty úkimi ózgerissiz, sottalǵandardyń, olardyń advokattary men qorǵaýshylarynyń apelliatsiialyq shaǵymdary qanaǵattandyrylmai qaldyrylsyn. Qaýly jariialanǵan sátten bastap zańdy kúshine enedi", - dep habarlady tóraǵalyq etýshi sýdia.
Eske salaiyq, biyl 29 aqpanda Arystanbek Muhamediuly tórt bap boiynsha 11 jylǵa bas bostandyǵynan aiyrylǵan bolatyn.
- "Altyn adamnyń sherýi" kórmesin ótkizý kezinde aqsha jymqyrǵany jasaǵany úshin;
- laýazymdyq ókilettikterdi teris paidalaný;
- "Diplomat" qonaqúiimen bailanysty reiderlik áreketteri úshin;
- para berýge áreket jasaǵany úshin
