اپەللياسيالىق ينستانسيا ارىستانبەك مۇحامەدي ۇلىنىڭ ءىسى بويىنشا شەشىم شىعاردى، - دەپ حابارلايدى Dalanews.kz.
استانانىڭ قىلمىستىق ىستەر جونىندەگى سوت القاسى بۇرىنعى مادەنيەت ءمينيسترى ارىستانبەك مۇحامەدي ۇلىنىڭ ۇكىمىن اپەللياسيالىق تارتىپپەن قايتا قارادى.الايدا سوت ۇكىمدى وزگەرىسسىز قالدىرۋدى شەشتى.
ءىس سوتتالۋشىنىڭ جانە ونىڭ ادۆوكاتىنىڭ اپەللياسيالىق شاعىمدارى بويىنشا قارالدى، ولار سوتتىڭ ۇكىمىن الىپ تاستاپ، مۇحامەديۇلىن اقتاۋدى سۇرادى. سونداي-اق ولار بىرنەشە رەت سوت تەرگەۋىن قايتا باستاۋدى سۇرادى.
"سوت القاسى قاۋلى ەتەدى: استانا قالاسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتىنىڭ 2024 جىلعى 29 اقپانداعى مۇحامەدي ۇلى، ساتىبالدين، نۇرازحان، كوچەتوۆ، كوشەنوۆ، ءسادۋاقاسوۆا جانە جۋاسپايەۆاعا قاتىستى ۇكىمى وزگەرىسسىز، سوتتالعانداردىڭ، ولاردىڭ ادۆوكاتتارى مەن قورعاۋشىلارىنىڭ اپەللياسيالىق شاعىمدارى قاناعاتتاندىرىلماي قالدىرىلسىن. قاۋلى جاريالانعان ساتتەن باستاپ زاڭدى كۇشىنە ەنەدى"، - دەپ حابارلادى ءتوراعالىق ەتۋشى سۋديا.
ەسكە سالايىق، بيىل 29 اقپاندا ارىستانبەك مۇحامەدي ۇلى ءتورت باپ بويىنشا 11 جىلعا باس بوستاندىعىنان ايىرىلعان بولاتىن.
- "التىن ادامنىڭ شەرۋى" كورمەسىن وتكىزۋ كەزىندە اقشا جىمقىرعانى جاساعانى ءۇشىن؛
- لاۋازىمدىق وكىلەتتىكتەردى تەرىس پايدالانۋ؛
- "ديپلومات" قوناقۇيىمەن بايلانىستى رەيدەرلىك ارەكەتتەرى ءۇشىن؛
- پارا بەرۋگە ارەكەت جاساعانى ءۇشىن
