Qarjy vitse-ministri Tatiana Saveleva 2005-2011 jyldar aralyǵynda mádeniet salasy qyzmetkerleriniń eńbekaqysy bes ret kóterilgenin atap óttii, dep habarlaidy Sputnik Qazaqstan.
“Shynynda eńbekaqy tómen. Jalpy, óner adamdary erke emes. Tamaǵy toq emes, ash ózek júretin shyǵarmashylyq adamy ǵalamat týyndylar dúniege ákeledi dep esepteledi. Mysaly, Bethoven, Motsarttyń ash-jalańash júrgenin bilemiz, biraq bul adamdar álemdik jaýharlar jazdy. Az qarjylandyrýǵa qaramastan bizdiń daryndar álemdik deńgeige shyǵyp jatyr. Degenmen, kitaphana, mýzei, mádeniet úileri sekildi salalarǵa qarjylandyrý kerek”, — dedi Muhamediuly depýtattyń suraǵyna jaýap bere otyryp.
“Ár joly 25-30 paiyzǵa kóterildi. Sońǵy ret 2016 jyly eńbekaqy tóleýdiń jańa júiesin engizý kezinde boldy. Densaýlyq saqtaý, bilim berýmen salystyrǵanda mádeniet salasynda eńbekaqy tómen bolǵandyqtan jalaqy 40 paiyzǵa ósirildi”, — dedi ol.
Al eńbek jáne halyqty áleýmettik qorǵaý ministriniń orynbasary Svetlana Jaqypova kitaphanashylar men muraǵatshylardyń jalaqysy eń tómen ekenin aitty.
“Búgingi kúni kitaphanashylardyń jalaqysy 2014 jylǵy 52 myńnan 70 myń teńgege deiin kóterildi. Muraǵatshylardyń jalaqysy 44 myńnan 62 myń teńgege deiin ósirildi”, — dedi ol.
“Taratylǵan materialdarǵa súiensek, mádeniet salasyndaǵy eńbekaqy 38 myń teńgeden bastalady. Sondyqtan bul máseleni ári qarai qarastyrý kerek dep oilaimyz”, — dedi májilis tóraǵasynyń orynbasary Gúlmira Isimbaeva.
