قارجى ۆيسە-مينيسترى تاتيانا ساۆەليەۆا 2005-2011 جىلدار ارالىعىندا مادەنيەت سالاسى قىزمەتكەرلەرىنىڭ ەڭبەكاقىسى بەس رەت كوتەرىلگەنىن اتاپ ءوتتىى، دەپ حابارلايدى Sputnik قازاقستان.
“شىنىندا ەڭبەكاقى تومەن. جالپى، ونەر ادامدارى ەركە ەمەس. تاماعى توق ەمەس، اش وزەك جۇرەتىن شىعارماشىلىق ادامى عالامات تۋىندىلار دۇنيەگە اكەلەدى دەپ ەسەپتەلەدى. مىسالى، بەتحوۆەن، موسارتتىڭ اش-جالاڭاش جۇرگەنىن بىلەمىز، ءبىراق بۇل ادامدار الەمدىك جاۋھارلار جازدى. از قارجىلاندىرۋعا قاراماستان ءبىزدىڭ دارىندار الەمدىك دەڭگەيگە شىعىپ جاتىر. دەگەنمەن، كىتاپحانا، مۋزەي، مادەنيەت ۇيلەرى سەكىلدى سالالارعا قارجىلاندىرۋ كەرەك”، — دەدى مۇحامەدي ۇلى دەپۋتاتتىڭ سۇراعىنا جاۋاپ بەرە وتىرىپ.
“ءار جولى 25-30 پايىزعا كوتەرىلدى. سوڭعى رەت 2016 جىلى ەڭبەكاقى تولەۋدىڭ جاڭا جۇيەسىن ەنگىزۋ كەزىندە بولدى. دەنساۋلىق ساقتاۋ، ءبىلىم بەرۋمەن سالىستىرعاندا مادەنيەت سالاسىندا ەڭبەكاقى تومەن بولعاندىقتان جالاقى 40 پايىزعا ءوسىرىلدى”، — دەدى ول.
ال ەڭبەك جانە حالىقتى الەۋمەتتىك قورعاۋ ءمينيسترىنىڭ ورىنباسارى سۆەتلانا جاقىپوۆا كىتاپحاناشىلار مەن مۇراعاتشىلاردىڭ جالاقىسى ەڭ تومەن ەكەنىن ايتتى.
“بۇگىنگى كۇنى كىتاپحاناشىلاردىڭ جالاقىسى 2014 جىلعى 52 مىڭنان 70 مىڭ تەڭگەگە دەيىن كوتەرىلدى. مۇراعاتشىلاردىڭ جالاقىسى 44 مىڭنان 62 مىڭ تەڭگەگە دەيىن ءوسىرىلدى”، — دەدى ول.
“تاراتىلعان ماتەريالدارعا سۇيەنسەك، مادەنيەت سالاسىنداعى ەڭبەكاقى 38 مىڭ تەڭگەدەن باستالادى. سوندىقتان بۇل ماسەلەنى ءارى قاراي قاراستىرۋ كەرەك دەپ ويلايمىز”، — دەدى ءماجىلىس ءتوراعاسىنىڭ ورىنباسارى گۇلميرا يسيمبايەۆا.
