Amerika Qurama Shtattaryna resmi sapary sheńberinde Qazaqstan Respýblikasy Premer-ministriniń orynbasary – Syrtqy ister ministri Murat Nurtileý AQSh Saýda ókili Djeimison Grirmen kelissózder ótkizdi, dep habarlaidy Dalanews.kz.
QR SIM baspasóz qyzmetiniń habarlaýynsha, taraptar ekijaqty saýda-ekonomikalyq jáne investitsiialyq yntymaqtastyqqa qatysty keń aýqymdy máselelerdi talqylady. Suhbattastar Qazaqstan men AQSh arasyndaǵy ekonomikalyq bailanystardyń, sonyń ishinde energetika, sirek jer metaldary, kólik jáne joǵary tehnologiialar salalaryndaǵy dáiekti damýyn atap ótti.
AQSh-tyń qazirgi saýda saiasaty, sondai-aq tariftik jáne tariftik emes kedergiler boiynsha birlesken jumys máselelerine erekshe nazar aýdaryldy.
Ekonomikalyq kún tártibin jalǵastyra otyryp, taraptar kólik-logistika baǵyttaryn keńeitý, eksport baǵyttaryn ártaraptandyrý, infraqurylymdy damytý jáne aýyl sharýashylyǵy ónimderi naryǵyna ózara qol jetkizý máselelerin qarastyrdy.
Qazaq tarapy sheteldik investitsiialar úshin qolaily jaǵdailar jasaýǵa beiildiligin rastap, jetekshi amerikalyq kompaniialarmen birlesip júzege asyrylyp jatqan aýqymdy jobalarǵa nazar aýdardy.
Óz kezeginde AQSh tarapy qaita óńdeý men tereńdetilgen óndiristi qamtityn tolyqqandy ekojúieni qurý arqyly asa mańyzdy mineraldar salasyndaǵy yntymaqtastyqty keńeitýge daiyndyq bildirildi.
Kelissózderdiń qorytyndysy boiynsha taraptar ekijaqty saýda-ekonomikalyq qatynastardy odan ári damytý maqsatynda turaqty dialogty jalǵastyrýǵa ortaq múddelilik bar ekenin qýattady.
