Maǵan jabylǵan jala úshin akademik Murat Jurynov ta, jalǵan at jamylǵan avtorsymaq «Ádilet Eleýsizuly» da zań aldynda jaýap beredi. Óitkeni, meniń bul alty akademiktiń hatyna múldem qatysym joq, bul hat týraly olardyń birimen de sóilesken joqpyn, eshkimge qol qoidyrǵan joqpyn.
«Qamshy.kz» portalynyń Alashtyń 100 jyldyǵyna arnap, berip jatqan asynan aspandap qaitqan kóńilge akademik Murat Jurynov bastaǵan jala jabýshylar kirbiń saldy.
365info.kz saitynda «Alańdamańyz, Aigúl hanym. Akademikterdi arandatyp otyrǵan kim?»- atty naǵyz arandatýshy maqala keshe tún jamylyp jariialanypty. Onda ózime qatysty, jala jabylǵan jerlerin keltire keteiin.
«… QR Ulttyq ǵylym akademiiasynyń akademikteri – Á. Haidar, R. Syzdyqova, S. Qirabaev, Ó. Aitbaev, Sh. Sarybaev jáne M. Qoigeldi bastaǵan ǵalymdar da osy máselege qatysty Úkimet basshysy B .Á. Saǵyntaevqa, Memlekettik hatshy G.Ábdihalyqovaǵa, Prezident Ákimshiligi basshysynyń birinshi orynbasary M. Tájinge hat jazyp, ol baspasózderde jariialanǵan edi.
Alaida, Ulttyq ǵylym akademiiasynyń prezidenti, akademik Murat Jurynovtyń aitýynsha, «Qazaq úni» portalynyń prezidenti, «Aq jol» partiiasy tóraǵasynyń orynbasary Qazybek Isa jáne Áliia esimdi kelinshek S. Qirabaev, Ó. Aitbaev jáne t.b. ǵalymdarǵa ózderi daiyndap jatqan hattyń mazmunyn basqasha túsindirip, jalǵan tizim kórsetip, ádeii uiymdastyrǵan kórinedi.»-dep soǵady. Odan soń meniń atyma «arandatýshy» degen «ataqty» tirkep qoiyp, basy jetkenshe aýzyna kelgenin aitypty «avtor» «Ádilet Eleýsizuly» degen jalǵan at jamylǵan bireý.
Dál osy sózderi úshin «365info.kz» saity da, akademik Murat Jurynov ta, jalǵan at jamylǵan avtorsymaq «Ádilet Eleýsizuly» da zań aldynda jaýap beredi. Óitkeni, meniń bul alty akademiktiń hatyna múldem qatysym joq, bul hat týraly olardyń birimen de sóilesken joqpyn, eshkimge qol qoidyrǵan joqpyn.
Bilim jáne ǵylym ministri Erlan Saǵadiev endi mańdyta almaǵan bilim-ǵylym máselesin jiyp qoiyp, osyndai las áreketke kirisip ketken be, álde ministrge jaǵynyp qalaiyq degen ministrliktiń keńsesin jaǵalap júrgenderdiń «keńesi» men «tirligi» me, ol jaǵyn bile almadyq. Birden «dál solai» dep jazsaq, ult múddesi úshin júgirip júrgen biz paqyrdy «arandatýshy» etip, kerisinshe ózi arandatyp otyrǵan «ataǵynan at úrketin» akademikten aiyrmamyz shamaly bolyp qalar…
Birden akademik Ómirzaq Aitbaiuly aǵama habarlastym.
– Aǵa, men sizge JOO-dan qazaq tili, ádebieti pánderiniń alynyp qalýyna bailanysty Ashyq hat jazǵan alty akademiktiń haty týraly sóilestim be? Murat Jurynov aǵamyz «Qazybek Isa jáne Áliia esimdi kelinshek S. Qirabaev, Ó. Aitbaev jáne t.b. ǵalymdarǵa ózderi daiyndap jatqan hattyń mazmunyn basqasha túsindirip, jalǵan tizim kórsetip, ádeii uiymdastyrǵan kórinedi.»-dep aitypty.
– Joq, men Murat Jurynovqa memlekettik tildiń rólin artyrý týraly ziialylardyń Konstitýtsiialyq reforma jónindegi komissiiaǵa jodaǵan Ashyq haty boiynsha seniń habarlasqanyńdy aittym. Sony surap otyr eken dep oiladym. Ol alty akademiktiń haty boiynsha maǵan belgili ǵalym (atyn atady Q.I.) habarlasyp, men ol máseleni qoldap, qolymdy qoiyp berdim ǵoi.
«365 info» saitynda «Akademiia prezidenti esimderi atalǵan akademikter úshin keleńsiz, tipti, zań buzýshylyq áreket boldy dep esepteidi.»-deidi Ádilet Eleýsizuly degen bireý. Al áigili ǵalym, UǴA akademigi, halyqaralyq «Qazaq tili» qoǵamynyń prezidenti Ómirzaq Aitbaiuly ózine MEN EMES, BASQA ADAMNYŃ habarlasqanyn jáne «Iá, men óz qolymdy qoidym» dep otyr… Árine, meniń bul hatqa qatysym joq bolǵandyqtan ári qarai tarqatpai-aq qoiaiyn. Erteń-aq aqiqat aitylady. Ult múddesin umytyp, máselege qatysy bolmasa da, janamalai shaýyp, túgel Bilim ministrliginiń advokattaryna ainalyp ketken «ǵalymdardyń» da bet perdesi ashylady…
Akademik-ǵalym Serik Qirabaev aǵamyz ómiri telefon soǵyp, sóilesip kórmegen adamym bolǵandyqtan, telefonyn taýyp alyp, qońyraý soqtym. Biraq habarlasa almadym.
Dálel-dáieksiz sózi arqyly bárine kináli bolyp otyrǵan Murat Jurynov aǵama da telefon shalyp, ala almadym.
Sondyqtan, men QR Ulttyq Ǵylym Akademiiasyn basqaryp otyrǵan akademik Murat Jurynov aǵamyzǵa mynadai saýaldar qoiǵym keledi. :
– Sizdi akademik basyńyzben, dálelsiz, jańylys aitylǵan jalǵan sózdi janyńyzdy salyp taratyp otyrýyńyzǵa ne májbúr etti?
«Anaý aitty-mynaý aitty» -degen qarabazarda ǵana bolatyn qarabaiyrlyq Ulttyq ǵylym akademiiasyn basqaryp otyrǵan akademik aǵamyzǵa laiyq dep oilaisyz ba?
Men shetel asyp ketkem joq, Allaǵa shúkir, aman-esen júrip jatyrmyn, bir aýyz habarlasyp bilip alýyńyzǵa ne kedergi boldy?
«Ádilet» degen atty jamylyp otyrǵan «ádiletsiz» Eleýsizuly eleýsiz qalǵysy kelip, birdi -birge soǵyp laǵyp, tasadan tas atyp otyr. Eshqandai dálelsiz, maǵan habarlaspai,.akademik Jurynovtyń jańylys estigen jalǵan sózin jalaýlatyp alyp, «naǵyz arandatýshy» bolyp otyrǵan ol «avtorsymaq» zań aldynda jaýap beredi. Bazardaǵy áielderdei, «anaý aitty, mynaý aitty» dep, baibalam salyp otyrǵan onyń shyn aty-jónin anyqtap, jamylǵysyn ashamyz. Onyń maǵan nege habarlaspaǵanyn jaqsy bilip otyrmyn. Eger maǵan habarlassa, meniń ministr Saǵadievke qarsy jazǵan ol alty akademiktiń hatyna alty alasy, bes beresim joq, múlde qatyssyz ekenim anyqtalyp qalady ǵoi. Al bularǵa ondai shyndyqtyń keregi joq. Olarǵa tek «Qazaq úni» ulttyq portaly men Qazybek Isany qaralaý, «arandatýshy» atandyrý kerek bolyp tur.
Bul «tise-terekke, timese-butaqqa» dep siltegen «Ádilet» degen jaldamaly «jýrnalistiń» «silteme» degendi bilmeitin, jýrnalistikadan maqurym ekeni kórinip tur. «Qazaq úni» portalynda jariialanǵan maqalalardyń qai saittan alynǵany týraly siltemeden habary joq, saýatsyz ekeni anyq. Bul «365 info» saityna da qatysty aitylǵan sóz.
«Qazaq úni» portaly «Qazaq tili men ádebieti» pánderiniń JOO-dan alynyp tastaýyna qarsy shyryldaǵan naǵyz ǵalym Aigúl Ismaqovanyń «Qazaq tili men ádebietiniń jazyǵy ne?» atty maqalasy aldymen memlekettik basylym bolyp sanalatyn «Ana tili» aptalyǵynda, sodan soń Qazaqstan Jazýshylar Odaǵynyń organy- qazaq jazýshylarynyń basylymy «Qazaq ádebieti» gazetinde jariialanǵan soń ǵana úshinshi bolyp basty.
Al eldi erekshe nazaryn aýdarǵan UBT-dan qazaq tiliniń alynyp tastalýyna arnalǵan «Ulttyq testileýden QAZAQ TILI alynyp tastaldy!!! Onyń ornyn Baian Esentaeva basty…» atty maqalanyń avtory biz emes, jańalyqtardy aldymen jetkizetin belgili KTK arnasy, siltemesi tur. Biz tek kóshirip bastyq. Al alty akademiktiń Saǵadievtiń áreketterine qarsy shyqqan Ashyq haty bizdiń «Qazaq úninde» jariialanǵan joq, tek meniń osy BAQ-tardaǵy jariialanymdarǵa bailanysty Bilim ministrin synaǵan maqalamda Abai.kz saityna silteme jasalyp, atalyp ótti.
Jalaqorlar aitqandai, eger bizdiń oiymyz arandatý bolsa, biz Bilim ministri Erlan Saǵadievtiń resmi beine-jaýabyn eń aldyńǵylardyń biri bolyp jariialar ma edik? Biz eki taraptyń da pikir-ustanymdaryn elge qatar berip, jetkizip otyrmyz. Ulttyq testileýge qatysty redaktsiiaǵa Ulttyq testileý ortalyǵynan resmi jaýap keldi. Ony da bastyq. Sonda bizdiń qai jerimiz arandatýshy!
Biz eldi alańdatqan saýalǵa Bilim ministri jaýap berse eken degen oimen maqalalardy kóshirip jariialap, ózimiz de jazyp otyrmyz. Onyń nátijesi – Bilim ministri el aldynda jaýap berdi barlyq saýalǵa.
P.S. Búgin bizdiń «Qazaqúni» ulttyq portalymyzǵa hakerlik shabýyldar jasalyp, kúndiz jabylyp qaldy. Daýyldyń qaidan soqqanyn sezip otyrsaq ta, dálelimiz bolmaǵan soń, úndemei otyrmyz. Áitpese, dálelsiz soǵa beretin akademik pen «Ádiletsiz» «avtordan» aiyrmamyz ne?
P.S.S. » 365info.kz» saitynan meniń atyma negizsiz jabylǵan jalany joqqa shyǵarý maqsatynda osy jaýap-maqalany jariialaýdy talap etemin.
Qazybek ISA,
