"Muny bulai qaldyrmaimyn". Qamalyp, azaptalǵan qyrǵyz mýzykanty ádilet úshin kúrespekshi
– Uzaq oilandym. Mýzyka men kásipke eshteńe bolmaǵandai orala almaitynymdy túsindim. TMD elderindegi demokratiiany damytýǵa, adam quqyqtaryna qatysty jaǵdaidy jaqsartýǵa úles qosqym keledi, – dedi ol.
Rýzahýnovqa qyrǵyz zańgerleri kómektesedi. Mýzykanttyń ázirge naqty qai organǵa aryzdanatyny belgisiz.
10 aqpanda ol Qazaqstandaǵy politsiia kúshteri ony azaptaǵanyn aitqan.
Rýzahýnovtyń málimdeýinshe, ol byltyr jeltoqsannyń aiaǵynda Almatyǵa kelip, 7 qańtarda eline qaityp bara jatqan ýaqytta ustalǵan. Onyń qujattaryn, bank kartalaryn, aqshasyn tartyp alǵan.
Úsh kún qamaýda bolǵan qyrǵyz mýzykanty 10 qańtarda Qyrǵyzstanǵa qaitaryldy. Bet-aýzy kógergen Rýzahýnov Bishkekke jetken bette aýrýhanaǵa tústi.
Qazaqstandaǵy qańtar oqiǵasy kezinde eki qyrǵyz azamaty qaza tapqany málim boldy. Onǵa jýyq qyrǵyzstandyq qamaýdan bosatyldy. Málimetterge qaraǵanda, qańtar oqiǵasyna bailanysty ustalǵan bir qyrǵyz azamaty Taraz qalasynda qamaýda otyr.
