Mundai áreketter pedagog degen atqa múlde sai kelmeidi – ministr Aimaǵambetov
Atalǵan oqiǵa 18 qazan kúni Kókshetaý qalasyndaǵy mektepterdiń birinde bolǵan.
Sabaq kezinde 12 oqýshynyń dápterlerin úiinde umytyp ketkeni belgili boldy. Osyndai jaǵdai qaitalanbas úshin muǵalim oqýshylardyń mańdaiyna "dápter" dep jazyp qoiǵan.
"Mundai áreketter pedagog degen atqa múlde sai kelmeidi. Aqylǵa syimaityn, baryp turǵan soraqylyq qoi bul degen. Búginde tiisti sharalar qabyldandy. Árine, ondai jaǵdailarmen jumys jasaý qajet. Biraq áriptesterimizdiń basym bóligi ondai emes. Bizdiń aramyzda aýylda bolsyn, qalada bolsyn, myqty-myqty pedagogter kóp", - dedi Aimaǵambetov.
Oqiǵa oryn alǵan №13 mektep-gimnaziianyń direktory Svetlana Ahmetjanova mundai áreketke barǵan muǵalimniń 27 jyldyq kásibi tájiribesi bar ekenin aitty.
Mektep ákimshiligi muǵalimge túsindirý jumystaryn júrgizip, sodan keiin ony jumystan shyǵaryp jibergen.
