اتالعان وقيعا 18 قازان كۇنى كوكشەتاۋ قالاسىنداعى مەكتەپتەردىڭ بىرىندە بولعان.
ساباق كەزىندە 12 وقۋشىنىڭ داپتەرلەرىن ۇيىندە ۇمىتىپ كەتكەنى بەلگىلى بولدى. وسىنداي جاعداي قايتالانباس ءۇشىن ءمۇعالىم وقۋشىلاردىڭ ماڭدايىنا "داپتەر" دەپ جازىپ قويعان.
"مۇنداي ارەكەتتەر پەداگوگ دەگەن اتقا مۇلدە ساي كەلمەيدى. اقىلعا سىيمايتىن، بارىپ تۇرعان سوراقىلىق قوي بۇل دەگەن. بۇگىندە ءتيىستى شارالار قابىلداندى. ارينە، ونداي جاعدايلارمەن جۇمىس جاساۋ قاجەت. ءبىراق ارىپتەستەرىمىزدىڭ باسىم بولىگى ونداي ەمەس. ءبىزدىڭ ارامىزدا اۋىلدا بولسىن، قالادا بولسىن، مىقتى-مىقتى پەداگوگتەر كوپ"، - دەدى ايماعامبەتوۆ.
وقيعا ورىن العان №13 مەكتەپ-گيمنازيانىڭ ديرەكتورى سۆەتلانا احمەتجانوۆا مۇنداي ارەكەتكە بارعان ءمۇعالىمنىڭ 27 جىلدىق كاسىبي تاجىريبەسى بار ەكەنىن ايتتى.
مەكتەپ اكىمشىلىگى مۇعالىمگە ءتۇسىندىرۋ جۇمىستارىن جۇرگىزىپ، سودان كەيىن ونى جۇمىستان شىعارىپ جىبەرگەن.
