Álemdik naryqta munai baǵasy úshinshi kún qatarynan tómendeýde. Brent fiýchersteri AQSh-taǵy munai men janarmai qorynyń kútpegen ósimi jaǵdaiynda 63,43 dollarǵa, al WTI markaly munaidyń bir barreli 60,42 dollarǵa deiin tómendedi. Osyǵan bailanysty naryq oiynshylary arasynda suranysqa qatysty alańdaýshylyq kúsheie túsýde, dep habarlaidy Dalanews.kz.
Negizinen, geosaiasi táýekelder naryqqa qosymsha qysym jasaýda. Investorlar iadrolyq kelissózder men Izraildiń Iran nysandaryna áýeden soqqy berý yqtimaldyǵy jaǵdaiyn baǵamdap, sonymen qatar Resei munaiynyń eksportyna áser etýi múmkin EO-nyń Reseige qarsy jańa sanktsiialarynyń engizilýine qatysty áreket etýde.
Sondai-aq OPEK + munai óndirisi kólemin táýligine 411 myń barrelge deiin ulǵaitý jaiyn talqylaýda. Mine, osy jaǵdailardyń barlyǵy munai baǵasynyń quldyraýyna túrtki boldy.
Al munai baǵasy quldyrasa, ádette Qazaqstanda AQSh dollarynyń baǵamy ósetin. Alaida otandyq valiýta naryǵyndaǵy jaǵdai qazir basqasha. Máselen, QR Ulttyq banktiń bekitken resmi baǵamdaryna sáikes, 1 AQSh dollary 21 mamyrda 1,04 teńgege arzandap, 510, 59 teńgeni qurasa, kelesi kúni - 22 mamyrda 3,28 teńgege taǵy aityrlyqtai qunsyzdanyp, 507,07 teńge boldy.
Apecon agenttiginiń aqsha baǵamy boiynsha aldaǵy kúnderge boljamdaryn jariialady. Oǵan sáikes, ulttyq valiýtaǵa shaqqanda 1 AQSh dollarynyń quny:
- Juma, 23 mamyr: 506 teńge deńgeiinde kútiledi (minimým - 498, maksimým - 514).
- Dúisenbi,26 mamyr: boljam - 507 teńge (minimým - 499, maksimým - 515).
- Seisenbi,27 mamyr: 509 teńge deńgeiinde kútiledi (eń kemi - 501, eń kóbi - 517).
- Sársenbi,28 mamyr: boljam - 508 teńge (minimým - 500, maksimým - 516).
Bul derekter sarapshylardyń mamyr aiynyń sońyna deiin amerikalyq valiýta baǵamy 507-509 teńgeniń ainalasynda bolatynyn, sol sekildi 498 jáne 517 teńge sekildi shekterdiń igerý yqtimaldylyǵyn da boljaitynyn kórsetedi.
Buǵan deiin saitymyzda "Teńgege qysym bar". Alda dollardyń qymbattaityny boljanady" degen maqala jariialanǵan bolatyn.
