Memleket "Baspaldaq" realiti-shoýyna tyiym salatyn boldy, dep habarlaidy Dalanews.kz DALA INSIDE telegram arnasyna siltep.
Arna málimetinshe, aiaq-qoly joq adamdar jalǵyz protez úshin talasatyn shoý - adamgershilikke qaishy. Máselen, baspaldaqpen joǵary órmeleý kezinde múgedek jandar qulap ketse, arty qaiǵyly jaǵdaiǵa ulasýy múmkin.
"Qazir shoý avtorlary izdestirilip jatyr. Olardy keminde aiyppul kútip tur", - deidi DALA INSIDE derekkózi.
Bul shoýdyń qansha epizody túsirilip úlgerdi, ol jaǵy belgisiz. Derekkózdiń aitýynsha, túsirilim Almatydaǵy stýdiialardyń birinde ótken.
Osy tusta áleýmettik jeli qoldanýshylarynyń pikiri ekige jaryldy. Olardyń basym bóligi bul jobaǵa jappai qarsylyq tanytsa, endi biri qoldap jatyr. "Múgedekterdi qorlaý ǵoi myna shoý. Jabylýy kerek", "Durys bolǵan eken", "Egerde osyndai shoýǵa qatysyp, jaqsy áser alsa - onda qoldaýǵa turarlyq dúnie eken...Jalpy qatysýshylardyń oi-pikirine qaraýymyz kerek", "Japqany durys emes!" dep adamdar óz pikirin áli de ortaǵa salýda.
Ne bolsa da, sol baspaldaq avtorlarynyń basyna qulaiyn dep tur.
