Almaty oblysynda densaýlyq saqtaý ministri Aqmaral Álnazarovanyń halyqpen kezdesýinde oblys ákiminiń birinshi orynbasarynyń múmkindigi shekteýli jandar týraly aitqan sózi jurttyń ashýyna tidi, dep habarlaidy Dalanews.kz.
Video talǵarlyq pablikterdiń birinde paida boldy. Beinerolikte oblys ákiminiń birinshi orynbasary halyqty sabyrǵa shaqyryp, artynsha múmkindigi shekteýli jandar týraly aitqan.
"Múgedekterdiń eńsesin túsirmeiik. Onsyz da Alla taǵala bul kisilerdi, oryssha aitqanda, "ih nakazali". Syilaiyq. Sol úshin qudai bastaryńyzǵa salmasyn. Qol-aiaqtaryńyz túgel, aýrý emessizder, osy kisilerdi qabyldasyn", - deidi sheneýnik.
Videodan bul sózdi aitqan oblys ákiminiń birinshi orynbasary Qanat Esbolatov ekenin ańǵarýǵa bolady.
Sheneýniktiń bul sózi qazaqstandyqtardyń ashýyna tigen.
"Bilimi óte tómen ekenin kórsetip aityp ne aityp turǵanyn ózi bilmeidi".
"Alla jazalaǵan degen sózin qalai túsinýge bolady? Osy sóz úshin jazalanýy kerek!".
"Men, Qazaqstan Respýblikasynyń azamatshasy retinde, Almaty oblysy ákiminiń orynbasary múgedektigi bar adamdarǵa qatysty aityp ótken sózderiniń múlde orynsyz ári qabyldaýǵa bolmaitynyn ashyq aitamyn. Mundai málimdeme azamattardyń qadir-qasietin taptap, Konstitýtsiia normalary men memlekettik qyzmetshi etikasyn óreskel buzady. Osyǵan bailanysty tekseris júrgizilip, onyń otstavkaǵa jiberilýi máselesi qaralýy tiis dep esepteimin. Sondai-aq aitylǵan sózderden zardap shekken barlyq jandardan kópshilik aldynda keshirim suralýy qajet. Ár adamǵa qurmet - ádil memlekettiń irgetasy. Mundai áreketter jaýapsyz qalmaýy kerek".
