Biyl qańtardan qyrkúiektiń ortasyna deiin pedagogikalyq saladaǵy mediandyq usynylǵan jalaqy 250 877 teńge boldy. Bul ótken jylǵy deńgeiden (240 622 teńge) 4,3% joǵary deidi HeadHunter sarapshylary, dep habarlaidy Dalanews.kz.
Jumys izdeýshiler kútken mediandyq jalaqy 250 377 teńgeni kórsetken. Bul ótken jylmen salystyrǵanda 1,2% kóp. Osylaisha, pedagogtardyń suranysy men jumys berýshilerdiń múmkindikteri is júzinde sáikes kelip otyr.
Mediandyq jalaqy – barlyq jumys oryndaryn eki teń bólikke bóletin kórsetkish: 50%-y osy mólsherden tómen, al qalǵan 50%-y joǵary tólenedi.
Sarapshylardyń dereginshe, jariialanǵan bos oryndar sany 7,7%-ǵa ósken. Bul bilim berý salasynda mamandarǵa degen suranystyń artqanyn kórsetedi. Al túiindemeler sany kerisinshe, 1,4%-ǵa azaiǵan. Sonyń nátijesinde básekelestik indeksi 5,9-ǵa tústi: endi bir bos orynǵa shamamen alty úmitkerden keledi.
Eń kóp bos oryndar men túiindemeler Almaty men Astanaǵa tiesili. Almatyda jumys berýshilerdiń mediandyq belsendiligi 7%-ǵa, Astanada 15%-ǵa ósken. Tarazda bos oryndar sany 34%-ǵa artsa, Aqtaýda kerisinshe 19%-ǵa tómendegen.
