Muǵalimderdiń kásibi biliktiligin arttyrý máselesi talqylandy
Kafedranyń professorlyq-oqytýshy quramymen kezdesýde Ásel Muhametjanova Ulttyq ortalyqtyń qyzmet kórsetý aiasyn keńeitý maqsatynda jasalǵan birqatar jumystarǵa toqtalyp, keleshekte atqarylatyn mindetterge baǵdar jasady. Institýttyń aǵa oqytýshylary men trenerleriniń kýrs sapasyn arttyrýǵa qatysty mańyzdy usynystarymen tanysyp, oi-pikirimen bólisti.
Qyzmet babyndaǵy kezdesý Almaty qalalyq bilim baqarmasynda jalǵasty. «Órleý» BAUO» AQ Basqarma Tóraǵasy Ásel Muhametjanova, Basqarma tóraǵasynyń orynbasary Alima Ibrasheva, «Órleý» BAUO AQF QR BBJ QBARI direktory Jansaýle Makatova, «Órleý» BAUO» AQ filialy Almaty qalasy boiynsha PQBAI direktory Raisa Sadvakasova Almaty qalalyq bilim baqarmasynyń bastyǵy Lázzat Jylqybaevamen kezdesti. Kezdesý barysynda biliktilikti arttyrý kýrstaryn júieli, sapaly ótkizýdiń tiimdi joldary qarastyryldy. Mektep pen «Órleýdiń» arasyndaǵy áriptestik, iskerlik bailanystar zerdelendi. Bir maqsat, bir múdde – oqýshyǵa sanaly tárbie, sapaly bilim berýdi kózdeitin basshylar muǵalimderge qoldaý kórsetý aiasynda eksperimenttik zertteý alańdarynyń, tirek mektepteriniń jumysyn jandandyrýdyń ózektiligin talqylady.
«Órleý» BAUO» AQ Basqarma basshysy Ásel Zeinýlaqyzy kýrstarda muǵalimderdiń bilim alý men kásibi daǵdysyn qalyptastyrýǵa júieli jumystardyń josparlanyp otyrǵanyn, Bilim jáne ǵylym ministriniń tikelei tapsyrmasy boiynsha «Órleý» tamyz aiynda «Pedagogterdiń tsifrlyq quzyrettiligin damytý» kýrsyn bastaityndyǵyn jetkizdi. Bul kýrs – demalysta bolǵan muǵalimderimizdiń aqparattyq-kommýnikatsiialyq biliktiligin arttyryp, jańa oqý jylyna daiyndyǵyn eselei túsedi.
