Məjilis depýtaty Juldyz Súleimenova muǵalimderdiń mindetti meditsinalyq saqtandyrýǵa qatysty túitkili sheshilmegen máselege toqtaldy, dep habarlaidy Dalanews.kz.
Depýtattyń aitýynsha, muǵalimder jyl saiyn 56 kún eńbek demalysyna shyǵady, biraq osy kezeńde meditsinalyq saqtandyrý jarnasy tek bir ret tólenedi. Nətijesinde, keibir ustazdar tamyz aiynda nemese qyrkúiek basynda emhanaǵa júgingende, meditsinalyq kómekke qol jetkize almai qalady.
“Biz bul məseleni buǵan deiin kóterdik. Ony sheshildi dep oilaǵan edik, biraq keibir aimaqtarda məsele əli de ózekti bolyp tur. El boiynsha 7 500 mekteptiń muǵalimderi jazǵy demalys kezinde meditsinalyq kómekten qaǵylyp jatyr,” – dedi Súleimenova.
Depýtat barlyq óńirde bul məseleni retteý qajet ekenin aitty. Ol muǵalimderdiń jazǵy demalysynda saqtandyrý jarnasynan týyndaityn qiyndyqtardy boldyrmaý úshin tiisti sharalar qabyldaýdy surady.
“Ustazdardyń densaýlyǵyn qorǵaý – basty mindet. Sondyqtan bul túiindi tez arada sheshý qajet,” – dep məlimdedi Súleimenova.
