«Birneshe jyl buryn qazaq tiliniń jyryn jyrlap, muńyn muńdap júrgende qai baǵytta aitsa da, qazaq tilinde shyrqasa eken dep oilaitynmyn. Biraq, keiin olar shekten shyǵyp ketti. Óte talantty, qazaqy minezdi balalar. Sóileskeni de qazaqsha, aktsentsiz. Maqal-mátelderi de keremet. Ony jigitterdiń ózderine de kezdesip, aǵalyq aqylymdy aitqanmyn.
Jigitter, bizdiń ultymyzǵa, elimizge úlken qaýip tónip tur. Sender jastardy óz-ózine qol jumsaýǵa, álsizdikke, ata-anany tyńdamaýǵa shaqyrmańdar. Bolmaityn jerde «ózim bilemdikke» itermelemeńder dep.
Árine, sándi kiingendi kim jek kóredi. Biraq, endi shekten shyǵyp ketpeńder. Qazir ǵana qyzdar jaiynda aittym. Qatty boianyp, erinderin úrlep jiberdi, kózi qaisy, túri qaisysy bilmei qalasyń. Sol siiaqty jigittiń syrǵa taqqany, shashyn qyzyldy-jasylǵa boiaǵany unamaidy. Bul jamandyqqa bir qadam. Sol úshin ǵana jigitterdi qoldamaimyn. Áitpese jigitterdiń óte talantty ekendigin taǵy da aitqym keledi. Biraq, ózderiniń tabiǵaty, bolmysy, jasap jatqan qazaqqa jat dúnieleri qynjyltady», — dedi ol baǵdarlama júrgizýshisiniń saýalyna orai.
