Moldova Respýblikasynyń Mádeniet ministrligi elde josparlanǵan keibir kontsertterdi ótkizýdi orynsyz dep sanaitynyn málimdedi. Bul týraly ministrlik resmi habarlama taratty, dep habarlaidy Dalanews.kz.
Vedomstvonyń málimetinshe, Diana Arbenina, Nurlan Sabyrov jáne Oleg Vinnik qatysýy tiis úsh is-sharany ótkizý "orynsyz" dep baǵalanǵan.
Sondai-aq ministrlik uiymdastyrýshylarǵa ártistermen jasalǵan kelisimsharttardy toqtatýdy usynǵan. Resmi habarlamada bul sheshim "olardyń el aýmaǵyna kire almaý qaýpiniń aldyn alý jáne sonyń saldarynan is-sharalardyń ótpei qalýyna jol bermeý" maqsatynda qabyldanǵany aitylǵan.
Eske salaiyq, 30 qańtarda Nurlan Sabyrovqa Reseige 50 jylǵa kirýge tyiym salynǵan. Al aqpan aiynyń ortasynda Qazaqstannyń Ulttyq qaýipsizdik komiteti ázilkeshke qatysty tekserý sharalaryn bastaǵany belgili boldy.
Aita keteiik, jaqynda Sabyrovtyń sáýir aiynyń basyna josparlanǵan Beijiń, Gýanchjoý jáne Shanhai qalalaryndaǵy kontsertteri ótpeýi múmkin ekeni aitylǵan edi.
