مولدوۆا رەسپۋبليكاسىنىڭ مادەنيەت مينيسترلىگى ەلدە جوسپارلانعان كەيبىر كونسەرتتەردى وتكىزۋدى ورىنسىز دەپ سانايتىنىن مالىمدەدى. بۇل تۋرالى مينيسترلىك رەسمي حابارلاما تاراتتى، دەپ حابارلايدى Dalanews.kz.
ۆەدومستۆونىڭ مالىمەتىنشە، ديانا اربەنينا، نۇرلان سابىروۆ جانە ولەگ ۆيننيك قاتىسۋى ءتيىس ءۇش ءىس-شارانى وتكىزۋ "ورىنسىز" دەپ باعالانعان.
سونداي-اق مينيسترلىك ۇيىمداستىرۋشىلارعا ارتىستەرمەن جاسالعان كەلىسىمشارتتاردى توقتاتۋدى ۇسىنعان. رەسمي حابارلامادا بۇل شەشىم "ولاردىڭ ەل اۋماعىنا كىرە الماۋ ءقاۋپىنىڭ الدىن الۋ جانە سونىڭ سالدارىنان ءىس-شارالاردىڭ وتپەي قالۋىنا جول بەرمەۋ" ماقساتىندا قابىلدانعانى ايتىلعان.
ەسكە سالايىق، 30 قاڭتاردا نۇرلان سابىروۆقا رەسەيگە 50 جىلعا كىرۋگە تىيىم سالىنعان. ال اقپان ايىنىڭ ورتاسىندا قازاقستاننىڭ ۇلتتىق قاۋىپسىزدىك كوميتەتى ازىلكەشكە قاتىستى تەكسەرۋ شارالارىن باستاعانى بەلگىلى بولدى.
ايتا كەتەيىك، جاقىندا سابىروۆتىڭ ءساۋىر ايىنىڭ باسىنا جوسپارلانعان بەيجىڭ، گۋانچجوۋ جانە شانحاي قالالارىنداعى كونسەرتتەرى وتپەۋى مۇمكىن ەكەنى ايتىلعان ەدى.
