Mobildi aqsha aýdarymy máselesi. Saýdager qaýym ne deýde?
Onlain aqsha qabyldamaimyz! Sońǵy kúnderi el dúkenderinde osyndai habarlamalar kóbeiip ketti. Saýdagerler «quzyrly organdaǵylar qosymsha salyq salady» dep, esep aiyrysýdan mobildik qosymshany ysyryp qoiyp jatyr, dep habarlaidy Dalanews.kz.
Muny estip alǵan qarapaiym azamattar da «ózgege aýdarǵan aqshamyzǵa salyq salynady ma» degen úreige boi aldyrýda. Senat maquldap, Prezidenttiń qol qoiýy ǵana qalǵan onlain aqsha aýdarymdary týraly «Eýraziia» birinshi arnasy arnaiy siýjet ázirledi.
Astanadaǵy azyq-túlik saýdalaityn bazardaǵy satýshylar da tutynýshylaryna qolma-qol aqshamen esep aiyrysýdy eskertip baǵýda.
Kúlásh, saýdager:
"Bizder endi qolma-qol da, mobildi aýdarymdar da qatar júre beredi. Bizdiń bárimizde - JK. Salyq tólep júrmiz. Al anandai aýdarym bolǵan soń, ol bizdiń jaǵdaidy qiyndatady".
Dinagúl, saýdager:
"Barlyq saýda oryndarynda saýdagerler zań túrinde istegen jaqsy. Mysaly, biz úkimetke salyq tólep otyramyz. Qazirde biz qujat tirkettik. JShS, JK arqyly tóleimiz. Biraq sodan alǵan soń, bizdi mazalamasa dep oilaimyz. Qosymsha bizden taǵy ustap júrmese boldy".
Saýdasy júrmei qalǵan bazardaǵylar úreili.
Jalpy, elimizde osyndai 1 million 200 myń kásipker tirkelgen bolsa, sonyń 300 myńy onlain baqylaý qurylǵysyn múldem qoldanbaidy eken. Demek, salyqtan jaltaryp júr. Osynyń jolyn kesý úshin de zań Prezidentke jol tartty.
Oljas Otar, QR Qarjy ministrligi Memlekettik kirister komiteti basqarma basshysynyń orynbasary:
"Jalpy aýdarymdar bolǵan. Bunyń ishinde kásipker de bar, jeke tulǵalar da bar. 35 trillion teńge aýdarǵan. Bul - Ulttyq banktiń bergen málimeti. Biylǵy jyly 43 trillion aqsha aýdarylǵan. Kásipkerlik maqsatta da, jeke máselede de".
Demek, qyrýar qarjy «kóleńkeli bizneske» ketti. Sondyqtan endi onlain aqsha berýdiń arajigi anyqtalady.
Siz eger kásipkerge qyzmeti úshin qarjy aýdarsańyz, ol - «tólem» dep atalatyn bolady. Al eger týysyńyzǵa kartochkańyzdan qarjy bólseńiz, «aýdarym» degen tetikti tańdaýyńyz kerek. Birinshi úshin salyq bar, ekinshisine ol qarastyrylmaidy.
Oljas Otar, QR Qarjy ministrligi Memlekettik kirister komiteti basqarma basshysynyń orynbasary:
"Aǵaiyn-týystardyń arasyndaǵy aqsha aýdarymdaryna eshqandai salyq salynbaidy. Sonymen qatar, sizdiń toiyńyzǵa 200 adam kelip, bir kúnde toi aqysyn mobildik qosymsha arqyly jiberse de budan salyq alynbaidy. Sebebi, bul sizge toi aqysy dep berip jatqan aqsha. Sony túsinýimiz kerek".
Sondai-aq, osy kúni bul jańashyldyqqa taksi qyzmetindegiler de narazy. Adam tasymaldaityndar onsyz da «tapqanymyzdy memleketke bergimiz kelmeidi» degendi alǵa tartady. Alaida jeke kásip etýshilerdiń barlyǵy da salyq tóleýi mindetti.
Álibek Ábdilov, QR Qarjy ministrliginiń baspasóz hatshysy:
Taksi júrgizýshiler patent negizindegi arnaiy rejimdi qoldana alady. Onyń mólsherlemesi jalpy kiristiniń nebári 1 paiyzyn qurap otyr. Mysaly, tapqan tabysy 300 myń teńge bolsa, salyq nebári 3 myń teńge ǵana bolady. Bul rette kassalyq apparattardy da satyp alýdyń qajeti joq. Óitkeni onlain mobildi qosymshalardyń tegin nusqalary bar.
«Aralyq salyq júiesi» degen de bar eken. Oǵan esh qujatsyz jaldamaly jumys isteitinder kiredi. Mysaly, kúnine birneshe saǵat bala baǵýshy, jeke kýrstaryn satýshy degendei. Osyndailar tapqan tabysynan 2917 teńge nemese bir ailyq eseptik kórsetkishin bólse, memleket ony sol adamnyń tabys salyǵy, zeinetaqy qory, meditsinalyq saqtandyrý qoryna bóledi.
Iaǵni, mundai adamdar keiin úkimetten bólinetin jan-jaqty kómekke úmitti bola alady.
https://www.youtube.com/watch?v=YSE7RMW9stU
